Aruba tin un partido politico nobo ‘Hubentud Treciendo Cambio’

ORANJESTAD – Aruba ta bay conoce un partido politico nobo pronto. Por lo menos, esaki ta loke un grupo di persona a anuncia awe. Nan ta yama nan mes Partido Politico HTC, (Hubentud Treciendo Cambio). Unico informacion cu nan a comparti na e portal aki, ta cu awe diahuebs mainta, nan a firma na notario, pues haciendo nan partido ‘oficial’. Nan a informa cu pronto nan lo duna un conferencia di prensa pa presenta nan mes. Pa aworaki nan a lansa nan pagina di facebook y a informa prensa di nan ‘existencia’ inicial. Intento pa mas informacion no tabata posibel, pero cu solamente, lo informa pronto via un conferencia di prensa. Tin indicacion cu ta trata di un grupo di persona ‘hoben’ si. No ta conoci si nan intencion ta pa participa na e proximo eleccion Parlamentario cu ta otro aña september.