Tamara Croes: OCCA contento cu progreso logra cu SMOA

ORANJESTAD – “Nos di OCCA ta contento cu e progreso cu a tuma lugar dentro partidonan concerni” tabata e prome reaccion di e presidente di e asociacion cu ta representa mayornan di alumnonan di Colegio Arubano, esta Ouder Comissie Colegio Arubano, Tamara Croes. E ta referi na e acuerdo cu gobierno a yega na dje diaranson cu SMOA y cu a keda raporta diahuebs mainta. Mas concreto, e hecho cu a logra cu directiva di SMOA a retira y cu a nombra hendenan 'nobo' den e directiva, cu ta nifica cu e presidente Robert Croes II, tambe a retira awor, envez di 1 di september proximo, manera cu tabata su intencion. Pa loke ta e comentario di OCCA, mucho mas sinembargo, e presidente no por a duna awor. “ Nos no por duna comentario riba e contenido pasobra discusionan ta andando ainda y pronto nos lo papia cu directiva nobo di SVOA y lo informe ki persona lo representa OCCA den e directiva di SVOA” Croes a finalisa bisando.

MALCONTENTO

Den pasado recien, OCCA no tabata nada contento cu e desaroyo cu tabatin na Colegio. Varios biaha a pidi retiro di e directiva di SMOA, pero esaki no tabata sosode.