Hulanda a ofrece ayudo cu paketenan di cuminda na Aruba

ORANJESTAD – Diamars ultimo trahadonan di Nederlandse Vertegenwoordiging in Oranjestad – Aruba (VNO) a asisti na Fundacion pa nos Comunidad (voedselbank) bij het inpakken van voedselpakketten. Asina VNO a raporta via un comunicado. Segun VNO, e Fundacion pa nos Comunidad ta confrontando un aumento enorme di peticion pa ayudo di cuminda debi na e COVID 19, y e crisis economico a consecuencia di esey. Pesey gobierno Hulandes for di mei e aña aki a dicidi di haci un donacion di 16 miyon euro pa e islanan CAS, pa e prome periodo di e crisis. Despues  riba 10 di juli ultimo a bolbe haci un donacion di 25.2 miyon euro pa e tres islanan en cuestion. Pa cu e ehecucion di e distribucion di e cuminda, ta usando organisacionan crucial y ta wordo coordina pa Crus Cora Hulanda. E ayudo di cuminda maneha actualmente pa Cruz Cora Aruba, tambe ta wordo subsidia pa Hulanda. Representante interino di VNO na Aruba David Abrahams:” Como Hulanda, cu placer nos ta ofrece ayudo incondicional na e pueblo di Aruba riba e tereno di ayudo di cuminda. E contribucion di Hulanda ta hopi amplio, pero ta keda importante cu e ‘banco di cuminda’ keda ricibi ayudo di mas caminda. Pa pone mas forza pa cu nos ayudo, nos a literalmente lora manga y a bin cu tur trahado disponibel (di VNO) pa yuda empaketa e paketenan (di cuminda)”.