Tormenta tropical Gonzalo a nace y ta bayendo Caribe

Tormenta tropical Gonzalo a nace y ta bayendo Caribe

Posted on 07/22/2020 10:28 am AST | Updated on 07/22/2020 10:28 am AST

MIAMI  - Manera anticipa, Depresion tropical # 7 a transforma su mes den Tormenta Tropical Gonzalo diaranson mainta algo prome cu 9’or. E ta bira e di 7 tormenta cu nomber caba, apenas 2 luna den e temporada di horcan pa 2020. E ubicacion tabata L 9.9 W N y 43.1 W. cu un forza di biento di 45 miya pa ora y dirigiendo su mes direccion west noord west cu velocidad di 12 miya pa ora. E lo yega panort di Aruba den careda di diadomingo. 

  • Studiante Mericano ta bolbe di vacantie di Aruba y keda asesina un siman despues

    Studiante Mericano ta bolbe di vacantie di Aruba y keda asesina un siman despues

    NEW JERSEY – Un hoben studiante Mericano cu a bolbe di vacacion na Aruba, a haya su morto un siman despues durante un caso di tiroteo. Un grupo di 4 tirador den 15 seconde a tira 2 studiante di Rutgers University na New Jersey, di cual uno tabata Lionel Macauley, 28. Su tata a bisa cu apenas siman pasa el a bolbe di un vacacion di Aruba, pa e bin haya su morto asina cruel. E homber tabata na un fiesta riba tereno di e scol, unda cu marduga tempran, 4 homber a yega cu un auto y cuminsa tira riba e grupo di persona. E tabata un cumpleaños unda cu un di e victimanan tabata e cumpleañero. Potret ta di ABC News. 

  • Temporada di horcan 2020 ya a surpasa pronostico cu 4 tormenta

    Temporada di horcan 2020 ya a surpasa pronostico cu 4 tormenta

    MIAMI/ORANJESTAD – E siman aki ta habri laman Atlantico cu no menos cu 5 sistema tropical di cual 4 tin nomber. Dos tormenta tropical (Sally y Teddy), dos depression tropical (Rene, #21) y un horcan, Paulette. E temporada di horcan 2020 ya a surpasa e pronostico annual cu no menos cu 4 tormenta. A pronostica 9 pa 15 tormenta cu nomber (nos ta na #19). Y ainda falta 10 siman di e temporada, y apenas 2 nomber mas cu ta Vicky y Wilfred. Ta un seguridad cu lo tin cu ripiti e situacion manera 2005, unda cu a surpasa e 21 nombernan alfabetico y resorta na nombernan griego. Na 2005 a surpasa esaki caba y mester a usa 6 nomber griego pa por a cumpli cu e cantidad record di 31 tormenta cu nomber. Ainda falta mitar di September, luna di October y November completo (temporada ta caba 30 di November oficialmente). 

  • Lionel Messi ta keda Barcelona pasobra no por paga clausula

    Lionel Messi ta keda Barcelona pasobra no por paga clausula

    BARCELONA – Lionel Messi (33) no ta bandona e ekipo di futbol professional Barcelona mas. E motibo principal ta pasobra e no por paga e multa di 700 miyon euro. Cu esaki e conflict entre Messi y FC Barcelona ta haya un buelta diferente. Messi a declara esaki den un entrevista na e portal di futbol goal.com. Messi ta keda awor te 30 di juni 2021, cu ta e fecha riba cual su contracto ta vence. Messi no tabata contento cu e ekipo y e derota recien di 8-2 tabata e ultimo pa cual e kier a move. Segun Messi, e club a bise semper cu ora cu e kier bay, e por haci esaki. Awor e presidente ta para ariba cu Joseph Maria Bartomeu a bisa cu si e bay, e tin cu paga e suma. 

  • A haya DJ Erick Morillo morto na su cas na Miami Beach

    A haya DJ Erick Morillo morto na su cas na Miami Beach

    MIAMI BEACH – Conocido DJ di Miami Erick Morillo (49) a wordo haya morto na su cas na Miami Beach diamars. E tabata conoci pa e.o. e cancion ‘I like to Move it’ den añanan 90, cu a wordo usa den e pelicula Madagascar. E artista internacional tabata sospechoso di un caso di abuso sexual y mester a presenta dilanti mesa berde diabierna awor. Luna pasa a detene Morillo, despues cu el a keda acusa di abuso sexual riba un mujer na December ultimo na cas di e muher. 

  • Pareha Belgo pega na Aruba pa 6 luna debi na COVID-19

    Pareha Belgo pega na Aruba pa 6 luna debi na COVID-19

    ORANJESTAD – Un pareha Belgo a keda pega na Aruba 6 luna debi na COVID-19. Finalmente nan a logra bandona e isla siman pasa riba e ultimo buelo di TUI (cu tambe a cancela tur su buelonan). Nan mester a prolonga nan vacacion di 3  siman pa 6 luna, debi cu 5 biaha, a cancela e buelonan debi na e pandemia. Asina mes nan tabatin palabra di elogio pa Aruba.  

  • Homber ta contagia pa di dos biaha cu COVID-19 na Hong Kong

    Homber ta contagia pa di dos biaha cu COVID-19 na Hong Kong

    HONGKONG – PAAPa prome biaha a keda confirma oficialmente cu un homber a keda contagia cu COVID-19 pa di dos biaha. Ta trata di un homber di 33 aña di Hong Kong. For di un rapport di investigacion di hospital di Hong Kong, ta mustra cu e homber despues di 4 luna y mei cu e la keda contagia pa di prome biaha, a keda contagia di nobo. Esaki ta nifica cu despues di algun luna di recuperacion, un persona por recontagia. E imunidad despues di un infeccion natural, por ta di corto duracion. E material di virus di e homber for di april, a keda compara cu e material di e virus di augustus. Esun di april, tabata varia un poco di esun di augustus. E test genetico ta mustra asina cu e virus nobo ta un variante di esun anterior. “Nos discubrimento ta sugeri cu Sars COV-2 por keda cerca e persona”. Esey no kier men cu vacuna no ta necesario. E imunidad door di e vacuna, ta diferente di e imunidad cu un infeccion natural por crea. E virus a keda detecta cerca e homber ora cu e la bolbe Hong Kong for di Spaña. E no tabatin simptoma, cu ta nifica cu e siguiente infeccion por ta mas ‘suave’. 

  • Powered by SETAR