RdK ta kibra relacion cu Klesh pa opera refineria na Corsou

WILLEMSTAD – Gobierno di Corsou a termina su relacion cu e compania di Klesh, cu lo mester a bira e operador nobo di refineria Isla. Pero esaki a keda cancela e siman cu a pasa. E compania lo mester a tuma over na juni ultimo, pero debi na e situacion di COVID-19, esaki a cambia pa December 2020. Sinembargo awor ta resulta cu esaki tampoco ta e caso y cu a cancela e deal cu Klesh. Gobierno a anuncia recientemente cu lo busca un otro operador y ta confia cu esaki tambe lo logra. Gobierno tabatin e speransa cu Klesh (compania Europeo) lo a restart e refineria bandona pa PDVSA. E compania Refineria di Korsou, doño di e propiedad a bisa cu nan a inicia un proceso transparente en busca di un operador nobo pa asina ‘garantisa un futuro sostenibel pa nos refineria’. Tabata na december 2019 cu Klesh a firma cu RdK pa e deal, cu awor a cay na awa. 

KLESH

Tabata na September aña pasa cu e compania internacional, Klesch Group, a keda nomina pa hiba e combersacionnan pa toma di refineria Isla. Fin di e aña pasa e contract cu PDVSA a caba, y tabata parce cu e no ta bin bek como e operador. Informacion cu NoticiaCla.com tabatin e momenot ey ta cu Klesch Group tabata e unico grupo cu tabata poni, pa tene combersacion cu gobierno, riba futuro di e refineria. Klesch Group ta lidera pa A. Gary Klesch, un entrepreneur Mericano, cu a funda e compania na 1990 basa na Geneva, Suiza. E compania ta specialisa den metal, mina, petrolio y gas. Segun Prome Minister di Corsou, Eugene Rhuggenaath e tempo ey, no tabatin ningun garantia cu e grupo aki finalmente lo a bira e operador nobo, pero e garantia duna tabata, cu lo a sigui busca un operador te ora cu nan haya.