BZK: Ta papiando (cu Aruba), pero no tin espacio pa negosha contenido di pakete

DEN HAAG/ ORANJESTAD – “Enberdad no tin espacio pa negosha e contenido di e pakete total’ “, Asina Ministerie van Binnenlandse Zaken & Koninkrijks Relaties (BZK) a contesta e portal aki (noticiacla) diamars mainta riba un pregunta di clarificacion. Cu e contesta aki, ta kita tur duda di interpretacion cu por tabatin riba e declaracion di e oficina di representacion di gobierno Hulandes (VNO) riba nan pagina di Facebook recientemente. Riba e pagina aki e departamento a pone 5 pregunta principal riba e tema di e pakete cu Hulanda a ofrece islanan CAS (Corsou, Aruba y St Maarten), y unda cu ta bisa dado momento cu no tin espacio pa negosha esaki, pero di otro banda ta papia di cu lo por discuti si e ehecucion. Awe mainta, tambe BZK ta confirma for di e contestanan na e portal aki, cu partidonan ta papiando cu otro. “Aruba tin un punto unico de inclusion den e RFT, cu ta nifica cu actualmente ta papiando cu Aruba con pa ‘cambia’ cierto cosnan y mitiga nan (por ehempel, crea un opinion). Pero ta papia mas di punt y comma principalmente”, e departamento ta sigui bisa, indicando cu no ta mishi na e contenido. 

MESTER DEMOSTRA CU A CUMPLI 

Segun BZK, si e pais (Aruba) por demostra cu nan a cumpli cu cierto condicion, e ora e condicionan ta wordo marca como cumpli. “Sinembargo, tur e condicionan ta keda den e pakete nacional” BZK ta sigui bisa. “Pa Aruba algun punto ta mas specifico, pero nan no ta negociabel” nan ta sigui bisa. Y finalmente, tin puntonan cu lo haya mas tempo pa keda cla. 

ARUBA TA DEN DIALOGO

Prome minister di Aruba Evelyn Wever Croes a bisa siman pasa ainda cu aunke cu e 'deadline' a vence cu Hulanda a duna Aruba pa contesta si ta acepta e proposicionan di ambos ley di Reino, Aruba ta sigui den dialogo cu Hulanda. Ta pensa cu mester yega na otro, y ta spera cu e proximo encuentro, por convence Hulanda cu Aruba tin puntonan cu simplemente no por bay di acuerdo cu ne manera cu nan ta formula y of stipula. Hopi caba ta aproba, pasobra Aruba ya a haci hopi di e loke cu Hulanda a pone den e pakete, pero tin cierto puntonan cu simplemente ta dificil pa Aruba bay di acuerdo cu ne. No ta conoci con hopi esaki lo keda afecta awor cu BZK ta confirma un biaha mas cu mientras enberdad ta papiando.