Turista na Aruba no por a test pa COVID-19, y otro a ‘trip’ sin bay cuarentena

ORANJESTAD – ‘Airport di Aruba no tabata prepara pa tanto hende test (COVID-19)’. Esaki ta comentario di turistanan cu a yega Aruba for di Merca ora cu frontera a habri 10 di juli. Asina e portal aki a tende como feedback di hotel(nan) cu a experencia esaki. Mientras cu mayoria turista ta parce (segun DVG) ta cumpliendo cu e proceso di test pa COVID-19 na Aruba, tin cu no ta haci esaki, ta resulta aworaki. Tambe tin turista cu no tabata cumpli cu e regla di cuarentena y tabata keiro como si fuera nan tabatin un vacacion ‘normal’.

E PROME CASO

E prome caso raporta, tabata asina cu frontera a habri bek cu Merca. Un grupo di turista a yega nan hotel, y tabata ‘basta desapunta’ y otronan tabata ‘rabia’ pasobra nan a paga pa haci COVID test na Aruba y no a haci esaki, manera nan lo a kere. Nan a sigui contac u Airport no tabata prepara pa tanto hende. Nan tabata preocupa cu autoridad a laga nan pasa, sino cu nan a haci test. 

OTRO CASO

Un otro caso raporta via hotel, ta cu unda cu un pasahero si a logra haci e test na airport, y a avisa nan pa bay hotel den cuarentena pa 24 ora, pendiente di e resultado di nan test. Pero e turistanan aki, apenas 30 minuut despues cu nan a yega hotel, ya tabata canando rond den shopping center, y a bishita varios lugar. A remarca cu niun hende kier a ‘deal’ cu e turistanan aki. Menos mal, ta parce anto, cu e tuirstanan aki a resulta negativo, pero pa mesun forma, esaki por a resulta diferente si e turistanan en cuestion lo a keda detecta como positivo.  

CONTROL POSITIVOPor tende durante conferencianan di prensa cu tur control ta bayendo bon y cu tin un bon grip riba e testmento na aeropuerto y cu tur hende ta contento. A bisa tambe cu por tin keho di turistanan y esaki ta comun. Pero cu mayoria di e turistanan ta content cu e proceso y DVG tambe ta content con e proceso di test ta bayendo.