Ta vigila sistema di tempo yegando nos area pa fin di siman

MIAMI – Un sistema di presion abou asocia cu awacero y tormenta a organisa miho entre e costa west di Africa y Caribe. E condicion di tempo ta positivo pa e sistema desaroya den un depression tropical den e proximo 2 dianan. E posibilidad segun National Hurricane Center ta 60%. Ta spera cu si e sigui desaroya, cu Aruba por sinti esaki parcialmente den careda di diadomingo. Mes momento si, mester bisa cu e ora cu weekend yega, e condicionan lo ta menos faborabel pa formacion.