Bikker: Aruba evaluando test case contra Hulanda

ORANJESTAD – Gobierno di Aruba ta preparando un ‘test case pa bringa Hulanda su decision recien pa impone dos Rijkswet contra Aruba, a cambio pa fiansa pa sobrevivi COVID-19. Segun Bikker, e pasonan cu Hulanda ta tumando no por, y Aruba lo no keda keto. Asina minister di husticia Andin Bikker a comparti dialuna mainta durante conferencia di prensa di gobierno. Segun e mandatario, como abogado, e ta conoci pa varios ‘test case’, esta casonan unda cu ta ‘test’ e situacion legal y wak con por bringa e contra partido, den e caso aki Hulanda. 

VIOLA DERECHONAN DI ARUBA 

Bikker a repasa cierto puntonan cu e ta kere cu Hulanda ta actuando incorecto contra Aruba, violando nos autonomia, y cu ta tuma paso cu ta viola principionan huridico. Cu esaki, basicamente Bikker ta informa cu Aruba ta busca confrontacion cu Hulanda mientras cu di otro banda, premier Wever Croes ta den dialogo cu Hulanda pa partidonan haya otro.