Blackbox di helicopter di Marina Real cu a crash, a keda localisa

DEN HAAG – Eflight data recorded (black box) di e helicopter di Marina Real cu a crash na Aruba diadomingo a wordo localisa. Asina e portal Hulandes ta cita Defensa Hulandes. Esey ta nifica cu e aparato ta disponibel pa e investigacion den e loke a sosode cu e helicopter. E asina yama ‘blackbox’ ta registra te na e ultimo seconde di e buelo, kico a pasa cu e helicopter. E ta registra e grabacion di voz y tambe e parti tecnico. Den e caso aki, e parti di e grabacion di voz a keda recobra. 

E HELICOPTER

Tin un 20 di e tipo di helicopter NH90 den servicio di marina Real. Y pa awor, tur e helicopternan lo keda tera te ora cu caba cu e investigacion di e loke por a pasa cu e helicopter a crash na Aruba. Segun e compania Heli Holland, den un crash tin dos motibo principal. Sea uno tecnico of eror humano. E helicopter en cuestion tabatin apenas 5 aña bieu, y tabata patruyando e costa di Aruba relaciona cu e crisis di COVID-19, ora cu el a cay 12.5 miya leu di e costa. 

INVESTIGACION

E Onderzoeksraad voor Veiligheid ta mandando un ekipo pa Aruba hunto cu Inspectie Veiligheid Defensie pa haci e investigacion. E portal aki a compronde cu Aruba lo no ta envolvi den e investiacion como cu Defensa Hulandes mes tin su instancia. Asina por a compronde di Direccion di Aviacion Civil di Aruba.