Monica Kock a anuncia retiro di SMOA entrante e siman aki

ORANJESTAD – Un di e ultimo dos miembronan di SMOA/SVOA Monica Kock a tuma su retiro entrante 15 di juli ultimo. Asina ta mustra den un carta cu e portal aki tin den su poder. Cu e retiro aki, ta keda dos miembro so, Robert Croes II y Brechtjes Huiskes di e fundacion. Croes e siman aki a bisa di lo retira pero te 1 di September 2020 pa duna tempo pa un traspaso responsabel. 

E CARTA

Den e carta di Kock, e ta splica o.e. cu e tabatin intencion di retira for di final di e ultimo termino di e directiva actual, pero mirando cu tabatin e crisis di COVID-19 y cu tabatin falta di rector, a pidie pa e keda poco mas tempo. “Mientrastanto tin un rector nobo nombra y mi tin tur confiansa cu e directiva di scol y e directiva (SMOA) lo por logra resultadonan positivo pa e scol, trahadonan y alumnonan” Kock ta sigui bisa. Su motibo di retiro ta debi na otro compromiso cu ta pone cu e no por ta disponibel mas pa e funcion di miembro di directiva di SMOA. 

SITUACION

E situacion actual ta uno interesante, ya cu mientras cu Croes II ta retira na September, y Kock awor, tin desaroyonan den tapara, manera un caso sumario cu SMOA a entama contra gobierno, pa paro di subsidio na e scol. E minister encarga a anuncia cu ta para esaki pa cual Croes a dicidi di entama un caso, y a informa partidonan concerni di esaki. Lesa e contenido di e carta AKI.