Conocido activista Richi Danies a protesta atrobe contra violencia y abuso di mucha

ORANJESTAD – E conocido ciudadano Richi Danies diabierna atardi manera el a anuncia, a tene un manifestacion pasivo banda di oficina di Parlamento. Segun Danies, su unico meta diabierna tabata pa bringa pa violencia contra mucha. Ademas pa cera tur politico desde 1986. E ta culpa esnan cu a bin despues di defunto Betico Croes, y a ‘cambia’ e sistema. Contrario na ultimo biaha cu el a protesta door di sinta riba caya, e biaha aki e tabata bandi muraya di Parlamento, y tabata warda mas persona yega. Cu un grupo di entre 15 pa 25 persona ora cu noticiacla tabata presente, e tabata warda mas yega pa por a ‘cuminsa’ su manifestacion. “Si mi tin cu drumi aki nan, mi ta hacie” Danies a sigura e portal aki. El a scohe e lugar strategico pa haya atencion di Hulanda tambe. Segun Danies, asina cu nan sa cu tin hende drumi eynan, e ta bira un problema y asina e ta haya atencion. E tin 6 aña ta purbando di haya atencion contra violencia y abuso di mucha. Su yiunan tabata victima di esaki den pasado. E mes, durante varios manifestacion, a bay cera brevemente. E tambe ta e persona cu durante un periodo largo, tabata pinta e palabra Pedofiel den forma di graffiti riba muraya y piedranan rond di Aruba.