Tin indicacion cu nos hendenan mes ta sigui trece ilegalnan Venezolano pa Aruba

ORANJESTAD – Tin indicacion cu localnan (Aruba) ta sigu9i yuda  ilegalnan Venezolano bolbe Aruba. Warda Costa e siman aki a raporta caba (lesa articulo adhunto) di un caso cu a tuma lugar recientemente unda cu a intercepta un boto   cu hende ilegal  . Diabierna (awe) atrobe Warda Costa a raporta un otro caso, unda otro a wordo gara cu otro ilegal. Riba peticion di noticiacla, Warda Costa a confirma pa e portal aki cu e nacionalidad di e dos personanan (raporta den dos diferente raportahe), tabata di nacionalidad Venezolano. Ademas, Warda Costa a raporta pa e portal aki cu ambos boto tabata registra na Aruba, pues di doñonan local. E boto e biaha aki tabata hiba di nomber ‘Materialista’  Y mas aleu a bisa cu e botonan aki ambos tabata biniendo di direccion Venezuela. Pues ta hendenan cu nan permiso a vence, y tambe a wordo nenga asilo politico, y mas bien a bin purba nan suerte atrobe. Segun vocero di Warda Costa, a splica noticiacla cu e personanan aki a bin cu e version di cu nan ‘tabata piscando’. nb Ilegalnan ta sigui purba burla di e sistema pa por drenta Aruba. Warda Costa a raporta cu e siman aki atrobe tabatin un boto den awa territorial di Aruba cu un indocumentado abordo. Tabata un yamada di control na DIMAS a confirma cue biaha aki ta trata di un persona di ken su permiso a vence. A entrega e persona aki na Warda Nos Costa. E caso anterior (wak otro raportahe) tabata uno di cual a nenga su peticion di asilo, unda cu aki tambe tabata un Venezolano y tambe e boto na e occasion, tabata localmente registra.