Encuesta Facebook: Mayoria kier Aruba firma deal cu Hulanda awor cu documentonan ta conoci

ORANJESTAD – Segun un encuesta simpel di noticiacla haci riba e plataforma di Facebook, mayoria ta scohe pa Gobierno di Aruba firma e deal cu Hulanda a propone. A haci e poll awor cu tur documentonan ta publico. E pregunta tabata cu si awor si  bo ta haya cu Gobierno mester acepta RFT pa supervision financiero y e Caribisch Hervormings Entiteit cu Hulanda a propone? E contesta disponibel, tabata si of no y e encuesta a wordo poni disponibel pa 24 ora. Un total di 1100 persona a participa y 64% (726) a bisa SI, y 36% (417) a bisa no. Pues mayoria di esnan cu a participa, kier pa Gobierno firma. Tene na cuenta cu lo tin un encuesta proximamente mas detaya, unda cu por haya un miho bista di e contenido, y a base di kico mester sea no aproba of si.