Aruba lo sigui negocia di awor te proximo RMR pa yega na solucion cu Hulanda

ORANJESTAD – Gobierno di Aruba no por a duna un ‘timeline’ cu e combersacionan politico cu Hulanda lo tuma awor, cu no a keda cla riba nivel ambtelijk pa loke ta e leinan di Reino. Asina prome minister Evelyn Wever Croes a bisa noticiacla diahuebs atardi durante un conferencia di prensa. E proximo conseho di minister di Reino ta riba 14 di augustus 2020 y esey lo por bira e proximo dia mas tarda cu lo mester tin un decision. E mandatario di Aruba tin tur tempo y trankilidad cu di awor pa e fecha delibera riba e caso pa wak si ta bin un consensus. 

ARUBA A CUMPLI

Wever a reitera cu Aruba a cumpli cu tur condicion cu a pone su dilanti. “CAFT a bisa esey den tur sorto di palabra” Wever a sigui bisa. Como tal simplemente no cumpli cu e compromiso cu a wordo duna pa duna un sosten, bo no por djis bisa e ora cu e no ta sigui, segun e prome mandatario. Como tal Wever ta mustra cu por sigui negosha trankil, ya cu tin placa te cu e ora ey (fin di luna di augustus), pa por sobrevivi pa cubri tur e gastonan pa Juli y Augustus. A duna instruccion na esnan encarga cu loonsubsidie pa manda invitacion pa tur doño di trabou pa aplica pa esaki y tambe pa pago di FASE tuma lugar e luna aki pa paga salario fin di luna aki. 

SI NO KEDA CLA NA AUGUSTUS

Si no keda cla na augustus, e ora Aruba ta den un otro situacion. Pero segun Wever, e ta duna nos tempo pa di awor pa e tempo ey, busca un otro solucion, un plan B of C of D.