Parlamento no kier gobierno acepta e dos leynan di Reino impone pa Hulanda

ORANJESTAD – Tur fraccion den Parlamento di Aruba a bisa diaranson cu nan no kier pa gobierno di Aruba acepta e dos leinan di Reino manera cu Hulanda a impone riba dje. Por lo menos no e forma original cu e la keda presenta. Pero, tin di tur partido, cu no kier pa Aruba acepta e leynan den ningun forma. Mayoria di pensamento ta cu si acepta e leynan, Parlamento ta bira obsoleto y no ta necesario mas pa tin Parlamento ya cu e entidad presenta, lo tin tur control riba tanto gobierno como Parlamento. A mustra cu e mocion presenta un siman pasa, ta keda vigente.