Consulta hudicial a palabra mas cooperacion entre recherché local y di Reino

ORANJESTAD –Awe a tuma lugar e asina yama Justitieel Vierpartijen Overleg (JVO), pero via un conferencia di video, debi na e crisis di COVID-19. Ministernan Grapperhaus (Hulanda), Bikker (Aruba), Girigorie (Curaçao) y Richardson (Sint Maarten) a participa na e reunion presidi pa Hulanda. 

INTENSIVA RECHERCHE DI REINORiba iniciativo di Corsou a haci palabracion pa fortifica e cooperacion entre recherché di e islanan y recherché di Reino. Aki ta papia di e educacion mutuo, intercambio di experto na otro y e posibilidad pa haya lugar di pasantia. Tambe a papia riba e continuacion di igualdad pa loke ta e proteccion di infpormacion di personal. 

ENTRADA ARUBA NA ICT

Durante e session, Aruba a drenta den e asina yama relacion di cooperacion ICT, cu cual tur pais ta participa. Esaki ta facilita e cooperacion y intercambio di informacion entre islannan BES y awor islanan CAS. Esaki ta pone cu nan por traha miho cu polis y e sistema di frontera. Potret ta di archivo di noticiacla.