Diahuebs premier Wever tin cu duna secretario Knops contesta

ORANJESTAD – Hulanda a duna Aruba te diahuebs pa duna su contesta ‘final’ riba e dos leynan di Reino. Esaki a keda confirma pa minister president Evelyn Wever Croes diaranson mainta tanto na e sindicato y gremionan comercial durante un presentacion y tambe despues na e portal aki. Problema ta cu te cu aworaki, ainda Wever no ta cla pa duna un contesta. E ta spera cu entre awe (diaranson) y diahuebs (mayan) e por keda cla pa contesta Hulanda. Si no keda cla, Aruba no ta haya placa. 

CONSECUENCIA SI ARUBA NO KEDA CLA

Riba e pregunta cu kico ta sosode di Aruba no por duna un contesta ainda diahuebs, lo mester wak. “Esey nos tin cu wak mayan” Wever a bisa. A purba pidi Hulanda pa duna Aruba por lo menos un parti di e di tres tranche di placa, pasobra e ta cubri 3 luna. Y asina e por cubri por lo menos e luna aki, pa por sigui papia pa vul in kico falta ainda. Pero Hulanda a nenga. “No, absolutamente cu no. Nan a nenga esey categoricamente” Wever a bisa, cu ta e contesta cu el a haya di Hulanda. E no sa si esaki por cambia diahuebs, mirando cu cosnan ta cambiando constantemente. Wever ta bisa si cu ta bayendo den un nivel awor di comunicacion hopi mas habri, y cu tin un mundo di diferencia caba entre siman pasa y e siman aki. “Y esey ta nami e optimismo cu nos ta bay sali afo” Wever a bisa.