Gobierno ta un stap mas cerca di keda cla cu AruBIG registratie

ORANJESTAD – Gobierno ta un stap mas cerca di keda cla cu e ley conoci como AruBIG, cu ta permiti nos studiantenan tin e opcion pa sigui specialisa medicina den region y wordo reconoci oficialmente como specialista na Aruba. Segun minister di Salud Dangui Oduber, e organo consultativo, Raad van Advies (RvA) a duna conseho positivo di e cambionan necesario cu Aruba mester haci pa por keda cla cu e AruBIG registratie. Tanten cu esaki no ta cla, studiantenan cu studia medicina, mester specialisa na Hulanda so pa por traha na Aruba acredita. E asunto aki tabata un punto di gobernacion di gabinete Wever Croes y ta trahando pues duro riba esaki segun e mandatario.

NADER RAPPORT

Awor ta traha riba e nader rapport, y después e decreto lo keda manda pa Gobernador. “Una vez esaki ta cla oficialmente nos por bisa cu AruBIG ta cla y esaki ta un logro hopi grandi pa pais Aruba. Nos lo mantene comunidad informa di e desaroyonan y lo anuncia oficialmente ora e proceso ta cla por completo!” Oduber a finalisa bisando. potret cortesia futureuniv.org