ATA: Un total di 2.318 compania y taxista awor tin nanSeyo di Salud

ORANJESTAD - Oficina di Turismo di Aruba (A.T.A.) conhuntamente cu Departamento di Salud Publico (D.V.G.) ta anuncia cu un total di 2.318 compania y taxista ya caba exitosamente a completa e registracion y pre-checklist cu ta forma parti di e prome fase di e Aruba Health & Happiness Code (HH Code), pa cual nan ta wordo otorga un seyo colorido, cual ta e seyo di pre-check. E programa di HH Code tin como meta pa sigura cu protocolnan di higiena y salud ta na un nivel cu nos bishitantenan ta spera ora di bishita un destinacion turistico manera Aruba. 

Den transcurso di siman pasa, un total di 253 seyo di pre-check a wordo otorga den e sectornan di ‘Accommodations’, ‘Food & Beverage’, ‘Food Trucks’, ‘Watersports’, ‘Taxi’, ‘Retail/Supermarkets/Shops’, ‘Casinos’, ‘Car Rentals’, ‘Tour Operators’, y ‘Spa & Salon’. E compania y taxistanan aki a ricibi un e-mail di confirmacion relaciona cu esaki.