Cu reapertura di frontera cu Merca, visualmente a mira nos ‘normal nobo’

ORANJESTAD – E señalnan tabata hopi cla diabierna na aeropuerto ora cu frontera di Aruba a habri cu Merca. Visualmente so caba tabata bisto con tur ‘stakeholdernan’ awor ta anda cu nan trabou na aeropuerto. For di esnan cu ta carga maleta, esnan cu ta busca turista, trahadornan di aeropuerto, te na e grupo di steelband, tur tabata bisti cu mondkapje. Un bista cu nos lo tin cu bay wak por lo pronto na aeropuerto, y tur otro caminda na Aruba unda cu tin aglomeracion di hende. 

TURISTANAN

Pa loke ta turista, mayoria, si no ta tur, tabata yega bisti, cu nan mondkapje, pero na nan yegada, algun tabata kita esaki y otronan no.