Organisadonan di Fuikdag a recorda arubiano

WILLEMSTAD – Ta danki na Eduard “Katuna” Croes, cu Fuikdag ta loke e ta awe. Un declaracion durante un ceremonia diadomingo na e acostumbrado evento acuatico mas popular di Corsou. Celebra riba e prome diadomingo di aña, Fuikdag a haya un tinte special diadomingo. Durante e edicion aki, a repasa e momentonan di Fuikdag, unda cu a resulta cu “Katuna” tabata instrumental den su exito. Mientras cu e evento tabata conoci caba hopi tempo prome cu Katuna a bira parti di dje, nan a sigura cu su participacion a haci e evento mas grandi.

Durante e discurso merdia, enbes di e acostumbrado minuto di silencio, esnan presente a opta despues pa ‘splash’ na honor e conocido arubiano Eduard “Katuna” Croes. Esaki ta nifica cu pa un minuut, tur esnan presente a ‘bati man den awa’ enbes di e aplauso cu ta sigui. Mester menciona tambe cu otro arubiano, conocido DJ internacional Nutz Beat, a 'buta drama" durante e evento aki. 

Manera Noticiacla.com a raporta un dia prome, e diasabra prome cu e popular evento playera 'Fuikdag' na Corsou, amigonan di Eduard “Catuna” Croes (efm) a prepara algo na memoria di nan amigo di Aruba. Esaki a sosode riba e yate Big Papi, unda cu entre otro tabata presente e DJ di Aruba Nutz Beat. ARiba e boto por mira Nutz Beat hunto cu amigonan di ‘Catuna’, manera entre otro conocido George Metry. Aña pasa 'Catuna' tabata na Fuikdag, pero a bay cu avion enbes di boto. Unabes na Corsou e la pasa henter Fuikdag riba su boto, pero despues a bolbe Aruba den avion. Esaki pa motibo di su enfermedad. Y ta na e ocasion aki, a honre, mirando su situacion den cual e tabata. A dicidi pa haci algo e momento ey caba. Algo cu a keda masha aprecia. E biaha aki, su amigonan a dicidi cu un biaha mas ta recorde, y a haci esaki pues awe y ta sigui cune mayan.