Knops: Ta spera cu pa otro siman por cera acuerdo cu Aruba

Knops: Ta spera cu pa otro siman por cera acuerdo cu Aruba

Posted on 07/10/2020 5:29 pm AST | Updated on 07/10/2020 5:32 pm AST

DEN HAAG – “Nos no a haya otro ainda. Pero durante e proximo dianan nos ta bay usa pa pone e ‘puntjes op de i’, pa wak con nos por yega na un acuerdo. Y ora cu e acuerdo tey, e ora nos ta pone fiansanan nobo na disposicion (di Aruba)” Knops a bisa e portal di noticia aki den un entrevista exclusivo pa Aruba diabierna mainta. E mandatario Hulandes ta confirma asina cu partidonan no a haya otro manera lo a spera diabierna mainta durante e reunion di conseho di minister di Reino. Algo cu premier Wever tambe a confirma na e portal aki. 

MAS TEMPO

Aruba a pidi mas tempo pa por a haya un ‘draagvlak’ riba e condicionan impone pa Hulanda. Esey kier men cu Aruba no ta haya placa ainda, sino mas bien posiblemente pa otro siman. E hecho cu tin receso, no ta stroba e gobernantenan pa sigiu dialoga riba e tema. 

KICO A ACORDA Y KICO NO

Mientrastanto ta conoci cu no tabatin acuerdonan yega na dje, Knops a duna su version na e portal aki di kico tur a sosode. Loke a papia ariba diabierna, tabata e proposicion di gobierno di Hulanda, cu ta contene un pakete di e.o. fiansa, pero tambe un entidad cu lo haci inversion pa e.o. Aruba, procedente di e pagado di impuesto di Hulanda. Tabatin condicion mara na dje, manera un ley di Reino, (RFT). “E motibo pakico Aruba mester bay di acuerdo cu e pakete, ta pasobra ta papia di sumanan grandi” Knops a bisa. 

ACUERDO POSIBEL OTRO SIMAN 

“Nos lo wak si den curso di otro siman, nos por yega na un acuerdo, y despues nos por bay cu recess” Knops a sigui bisa. “Tanten cu esaki no ta regla, Aruba no ta haya placa. Pero Aruba tin tempo cu e fiansanan anterior, cu e no ta haya problema. Nos ta vigila esaki hopi di cerca. Pero asina cu nos yega na un acuerdo, esey lo no conduci na problema, y si nos yega na un acuerdo, esey lo conduci mesora na pago di e placa” Knops a sigura e portal aki. 

PAKICO TANTO SECRECIA

Mientras cu e ta compronde e conmocion pa e hecho cu Hulanda no a permiti Aruba revela e documetacion manda dialuna, e tabatin su motibo. Asina Knops a bisa durante e entrevista exclusivo. “E procedura na RMR (Rijksministerraad) ta asina cu e documentonan cu ta riba agenda, prome cu nan wordo discuti, no ta publico” Knops a bisa. Pero e ta conciente cu tin biaha documentonan ta ‘lek’, pa cual nan no tabata mucho contento. Pero awor a dicidi cu ta haci e documentonan publico diabierna. “No tabatin nada misterioso, pero simplemente palabracion normal di RMR. Esey ta algo otro cu si nan mester keda secreto semper”. Por lesa tur e documentonan cu awor ta liber, AKI. 

  

  • E prome grupo di studiante a yega Hulanda bon

    E prome grupo di studiante a yega Hulanda bon

    DEN HAAG –Cu vuelo KL 771 a yega awe mainta e prome grupo di studiantenan cu a escohe pa bin sigi un estudio avansa na Hulanda. E grupo a consisti di 27 studiante cu lo bai studia na e ciudadnan Zwolle, Deventer y Enschede. Na Schiphol tabata presente functionarionan di Onderwijszaken di Arubahuis, e mentor pa e region aki cu ta sra. Lourdes Bramble-Tromp y miembronan di e Plaatselijke Opvangcommissies (POC). E di dos grupo mientrastanto a sali diadomingo atardi laat tambe, rumbo pa Hulanda. 

  • BZK: Ta papiando (cu Aruba), pero no tin espacio pa negosha contenido di pakete

    BZK: Ta papiando (cu Aruba), pero no tin espacio pa negosha contenido di pakete

    DEN HAAG/ ORANJESTAD – “Enberdad no tin espacio pa negosha e contenido di e pakete total’ “, Asina Ministerie van Binnenlandse Zaken & Koninkrijks Relaties (BZK) a contesta e portal aki (noticiacla) diamars mainta riba un pregunta di clarificacion. Cu e contesta aki, ta kita tur duda di interpretacion cu por tabatin riba e declaracion di e oficina di representacion di gobierno Hulandes (VNO) riba nan pagina di Facebook recientemente. Riba e pagina aki e departamento a pone 5 pregunta principal riba e tema di e pakete cu Hulanda a ofrece islanan CAS (Corsou, Aruba y St Maarten), y unda cu ta bisa dado momento cu no tin espacio pa negosha esaki, pero di otro banda ta papia di cu lo por discuti si e ehecucion. Awe mainta, tambe BZK ta confirma for di e contestanan na e portal aki, cu partidonan ta papiando cu otro. “Aruba tin un punto unico de inclusion den e RFT, cu ta nifica cu actualmente ta papiando cu Aruba con pa ‘cambia’ cierto cosnan y mitiga nan (por ehempel, crea un opinion). Pero ta papia mas di punt y comma principalmente”, e departamento ta sigui bisa, indicando cu no ta mishi na e contenido. 

  • Blackbox di helicopter di Marina Real cu a crash, a keda localisa

    Blackbox di helicopter di Marina Real cu a crash, a keda localisa

    DEN HAAG – Eflight data recorded (black box) di e helicopter di Marina Real cu a crash na Aruba diadomingo a wordo localisa. Asina e portal Hulandes ta cita Defensa Hulandes. Esey ta nifica cu e aparato ta disponibel pa e investigacion den e loke a sosode cu e helicopter. E asina yama ‘blackbox’ ta registra te na e ultimo seconde di e buelo, kico a pasa cu e helicopter. E ta registra e grabacion di voz y tambe e parti tecnico. Den e caso aki, e parti di e grabacion di voz a keda recobra. 

  • Premier Rutte y minister Bijleveld di defensa conmovi cu tragedia di helicopter na Aruba

    Premier Rutte y minister Bijleveld di defensa conmovi cu tragedia di helicopter na Aruba

    DEN HAAG – Tanto premier Hulandes Mark Rutte como minister di Defensa Ank Bijleveld a manda palabra di condolencia na famia di fayecidonan di e helicopter di Marina Real cu a cay na Aruba. Segun informacion Rutte ta hopi afecta. “Echt noticia horibel” Rutte a bisa durante un break den e negosacion pa cu e fondo di recuperacion di COVID-19 na Bruselas dialuna. “Mi ta kere cu tur hende ta den shock na Defensa, na Hulanda” Rutte a sigui bisa. “Nos ta convivi cu e famia. Mi ta desea nan hopi forza den e momento tristo aki” Rutte a sigui bisa. Minister di Defensa Bijleveld a bisa cu e la ricibi e ‘noticia teribel cu dos di nos militarnan a fayece’, Bijleveld a cuminsa na bisa. “Mi palabra di pesame ta bay na e famianan. Nos ta hopi conmovi” Bijleveld a bisa riba su cuenta di twitter. 

  • Defensa Hulandes ta confirma crash di helicopter cu dos morto cerca di Aruba

    Defensa Hulandes ta confirma crash di helicopter cu dos morto cerca di Aruba

     DEN HAAG - Defensa Hulandes dialuna marduga ora di Hulanda, a confirma cu dos militar Hulandes a fayece ora cu un helicopter di Defensa Hulandes a cay den laman cerca di Aruba. Ta trata di e marinier Christine Martens (34) y Erwin Warnies (33). Martens tabata piloto y Warnies tabata coordinador tactico. E dos otro tripulante a sobrevivi. Asina comandante Rob Bauer a confirma durante e conferencia di prensa. E helicopter ta (manera Noticiacla a confirma anteriormente) un NH90, cu a cay 12.5 miya for di costa di Aruba. E helicopter a lanta buelo 2'or y mei di atardi y despues a crash den laman. E potret ta di archivo di defensa Hulandes y ta uno manera cu a cauy den laman. 

  • Hulanda no a tene cuenta cu puntonan cu pa Aruba ta fundamental y crucial

    Hulanda no a tene cuenta cu puntonan cu pa Aruba ta fundamental y crucial

    ORANJESTAD /DEN HAAG – E proposicion cu Hulanda a manda pa Aruba diaranson, riba e dos conceptonan di ley, basa riba loke Aruba a ‘delibera’ ariba tur e dianan aki cu Hulanda, no a haya mucho oido di Hulanda. Asina prome minister di Aruba Evelyn Wever a conclui diahuebs durante un conferencia di prensa. Segun Wever, Hulanda no tabata por a of nan no a tene cuenta cu e puntonan cu pa Aruba ta mas fundamental y crucial pa yega na un consensus. 

  • Powered by SETAR