ANP: No tin acuerdo ainda entre Hulanda y Aruba, Corsou y St Maarten

DEN HAAG – No tin acuerdo entre Hulanda y e islanan Aruba Corsou y St Maarten riba mas sosten financiero. Asina e agencia di noticia ANP ta raporta diabierna mainta despues di e reunion di conseho di minister di Reino. Premier Rhuggenaath di Corsou a bisa cu e islanan ta mas of menos di acuerdo di cu e reformanan cu Hulanda ta exigi, pero no e forma con esaki mester sosode. Nan tin hopi critica riba e autoridad cu Hulanda kier crea cu tin cu maneha e fondonan. Segun e islanan, e entidad ey ta haya mucho poder. Rhuggenaath a papia si di un bon reunion. Pa un parti di e reformanan mester adapta e ley, y e premiernan lo a bisa cu nan a haya mas tempo pa studia e adaptacionan. ‘Riba e Ley di Reino no tabatin negosacion y no tin consensus. Pero nos ta fiha nos constructivamente”. Lesa mas di e asunto AKI. Potret cortesia ANP.