Wever na Noticiacla: Nos ta den negosacion pa mira si nos ta sali afor prome cu RMR

DEN HAAG – “Nos ta den negosacion pa mira si nos por sali afo prome cu RMR”. Asina prome minister Evelyn Wever a bisa noticiacla.com diahuebs atardi laat for di Den Haag, Hulanda. “ Aruba ta formulando su posicion ainda!” e mandatario a bisa. Riba su pagina di facebook, e mandatario a ripiti e comentario ey, hunto cu un potret di dje cu secretario di estado Raymond Knops. Knops kier pa Aruba acepta e Ley Di Reino pa supervision financiero diabierna awor, sino e no ta haya placa pa sigui maneha e crisis di COVID-19. E mandatario di Aruba a biaha pa Hulanda diaranson atardi, pa ta presente na e reunion di RMR diabierna mainta.