Aeropuerto di Aruba lo ricibi casi 4000 pasahero e weekend aki

Aeropuerto di Aruba lo ricibi casi 4000 pasahero e weekend aki

Posted on 07/9/2020 3:51 pm AST | Updated on 07/9/2020 3:52 pm AST

ORANJESTAD – Aeropuerto di Aruba lo ricibi su prome cantidad cuantioso di trafico diabierna desde e crisis di COVID-19 a inicia.  Aruba Airport Authority N.V. (AAA) ta contento pa informa cu e fin di siman aki, (Diabierna, Diasabra y Diadomingo) Aeropuerto Internacional Reina Beatrix (AUA Airport) ta spera di procesa 40 avion y rond di 4 mil (4000) pasahero na aeropuerto. Segun e cifranan preliminar di pasashinan cumpra, Diasabra 11 di Juli 2020 lo ta e dia di mas druk, cu mas di 1700 pasahero yegando riba 14 buelo. 

Diabierna 10 di Juli, 2020 

Cantidad di buelo 13 | Cantidad spera di pasahero 970

-        Caribe Hulandes – 7 buelo

-        Merca – 5 buelo

-        Europa – 1 buelo

Diasabra 11 di Juli, 2020 

Cantidad di buelo 14 | Cantidad spera di pasahero 1738

-        Caribe Hulandes – 2 buelo

-        Merca – 10 buelo

-        Europa – 2 buelo

Diadomingo 12 di Juli, 2020 

Cantidad di buelo 13 | Cantidad spera di pasahero 1278

-        Caribe Hulandes - 5 buelo

-        Merca – 7 buelo

-        Europa – 1 buelo 

Aeropuerto di Aruba a prepara hunto cu tur autoridad Gubernamental, stakeholder y partners pa asina por garantisa un comienso di operacionnan di buelo for di Merca safe y sin problema. Aeropuerto di Aruba ta ansioso pa yama bonbini na tur e pasaheronan cu lo yega Aruba e fin di siman aki #AUACleared4Landing.

  • Powered by SETAR