Condicionan cu Hulanda tin pa Aruba tin puntonan positivo y negativo

Condicionan cu Hulanda tin pa Aruba tin puntonan positivo y negativo

Posted on 07/9/2020 11:55 am AST | Updated on 07/9/2020 12:00 pm AST

ORANJESTAD – Mientras cu hopi hende na Aruba tin problema y te hasta rabia pa e forma con Hulanda lo kier impone cierto condicionan riba Aruba a cambio di placa pa fiansa, tin hopi cu tambe ta positivo pa cu esaki. Esaki mirando cu tin hopi cos positivo tambe cu Hulanda kier haci segun e documentacion cu te ainda ta secreto.  For di gobierno a bin comprende cu tin 18 condicion premira cu Hulanda lo kier impone riba Aruba. Pero e documentonan ta contene informacion cu ta mustra puntonan positivo di cambionan cu lo mester tuma lugar pa Aruba.  

ARUBA

Noticiacla.com a comprende cu den e documentonan e.o. ta inclui cambionan structural cu mester tuma lugar pa cu e tres islanan autonomo di nos Reino. Ta papia di varios ‘landspaketten’, cu ta encera e.o. reforma riba gobernacion y finansas, reforma economico, cuido y enseñansa, y fortificacion di nos estado di derecho. 

IMPUESTO

Noticiacla.com ademas a comprende cu den e documentonan e.o. ta wordo bisa cu entre e medidanan cu e entidad nobo lo evalua pa Aruba, ta figura e expansion di base di impuesto, y ta move di impuesto directo pa indirecto y implementacion di BTW di 12.5%, conforme e proposicion di e departamento di IMF of ABB, conforme e systema di impuesto di Caribe Hulandes. E tema y punto aki a keda confirma pa prome minister Evelyn Wever Croes cu enberdad ta forma parti di e documento en cuestion. Tambe a compronde cu ademas e departamento di impuesto lo bay haya e informacion di e sector bancario. No ta conoci si ta informacion di cliente comercial of priva of tur dos. 

MERCADO LABORAL

E intencion lo ta pa tambe ehecuta un analisis integral di e mercado laboral, tambe riba e leynan laboral y analisa tur cos, pa asina wak si meser desaroya sugerencia y implementa esaki. Ta papia di analisa e posibilidad pa suavisa e ley di  retiro, elimina impedimento pa atrae labor di afo, y mas. 

EDAD DI PENSIOEN

Edad di pensioen tambe ta bin na remarke den e documentonan manera por a compronde. Aki ta papia tambe di aumenta edad di pensioen na 67 aña (66 aña na 2023 y 67 na 2025) y introduci e asina yama middelloon envez di eindloonregeling. Prome minister Evelyn Wever Croes a confirma e punto aki diaranson durante e presentacion na varios stakeholder. 

ENTREPENEURSHIP

Tambe e portal aki a comprende cu den e documentonan e.o. ta wordo bisa cu lo promove e clima di inversion y tambe entrepreneurship. Lo optimalisa e sistema di permiso y e costo di haci negoshi lo wordo reduci, y lo elimina e red tape. 

PERMISO DI ENTRADA

Ademas, lo tin informacion cu lo implementa e Landsverordening Toelating, Uitzetting en Verwijdering pa asina miembronan di famia di ambtenaar di Reino por wordo permiti entrada na Aruba, van rechtswege. Esaki ta un problema specialmente na Aruba caminda ta haci hopi dificil pa nan haya e permisonan di estadia y di trabou.

MEDIO AMBIENTE

NC ta comprende cu ningun caminda den e documentacion asina extenso tin atencion pa nos naturaleza y of nos medio ambiente. Esaki ta lamentabel, como cu por lo menos atencion di Hulanda pa nos problemanan agudo na Aruba, no mag di exclui e thema importante aki pa nos isla!

  • Nuebe studiante di Aruba na Hulanda awor a test positivo pa COVID-19

    Nuebe studiante di Aruba na Hulanda awor a test positivo pa COVID-19

    DEN HAAG – E cantidad di studiante di Aruba na Hulanda cu a test positivo pa COVID-19, a aumenta te na 9. Asina minister plenipotenciario di Aruba na Hulanda Guilfred Besaril a confirma diaranson mainta durante un conferencia di prensa. Ademas tin 21 studiante cu a test negativo. Ta trata di studiantenan cu ta parti di e grupo di 200 y pico studiante cu a bin Hulanda siman pasa como bursalen (studiantenan nobo) cu a cuminsa nan carera universitario. Inicialmente tabatin 2 studiante cu a test positivo, y esaki a aumenta despues pa 6. Awor, e total a aumenta atrobe te na 9. 

  • Hulanda kier Aruba duna RST y Landsrecherche autoridad independiente pa actua

    Hulanda kier Aruba duna RST y Landsrecherche autoridad independiente pa actua

    ORANJESTAD – Hulanda kier control total (bek) den e parti di husticia na Aruba, concretamente, ora cu ta trata di departamentonan manera RST (Recherche Samenwerkings Team), Landsrecherche cu e meta pa nan mes independientemente por haci investigacion criminal, sin tin cu pasa via Cuerpo Policial di Aruba. E ta un di e condicionan cu Hulanda a pone pa Aruba como parti pa haya e di tres tranche di fiansa. Den pasado RST tabata traha di un forma di cooperacion, pero Aruba a dicidi e aña aki cu no ta necesario mas pa tin RST den e constelacion ey. 

  • Besaril: Ta condena con grupo di studiante di Aruba na Hulanda kier fiesta durante COVID-19

    Besaril: Ta condena con grupo di studiante di Aruba na Hulanda kier fiesta durante COVID-19

    DEN HAAG – Minister plenipotenciario di Aruba na Hulanda Guilfred Besaril tabata hopi indigna diaranson mainta durante un conferencia di prensa, anunciando cu tin un grupo di studiante cu tin pensa pa haci un fiesta, estilo ‘get to gether’ prome cu scol cuminsa. E no tabata nada contento cu e idea, y a informa cu si logra haya mas informacion y gara e grupo aki, e mes lo haci denuncia na autoridad Hulandes contra esaki.

  • Casonan positivo pa COVID 19 bou di studiante di Aruba na Hulanda a subi na 6

    Casonan positivo pa COVID 19 bou di studiante di Aruba na Hulanda a subi na 6

    DEN HAAG   – ‘Te cu diadomingo anochi tin seis studiantenan cu a test positivo pa covid 19. Ocho studiante a test negativo y 11 studiante ta pendiente di e resultado di nan test. Esaki ta haci cu e grupo di studiantenan cu sintoma di covid 19 a yega un total di 25 studiante,’ asina Minister 

  • Hulanda cu conseho negativo di biahe pa Aruba

    Hulanda cu conseho negativo di biahe pa Aruba

    DEN HAAG - Hulanda a anuncia su conseho negativo di biahe pa Aruba debi na aumento drastico di casonan positivo di COVID-19 di e ultimo dianan. E la eleva e nivel na oranjo, cu ta nifica cu ta desconseha pa biaha pa Aruba. Mester evita biahe no esencial pa e periodo aki. Esnan cu bolbe Hulanda for di Aruba awor, ta wordo seriamente conseha pa bay den cuarentena di dos siman. Merca e siman aki caba a anuncia esaki, pues un conseho negativo di biahe pa nos island. 

  • Arubahuis ta confirma e prome caso positivo di studiante nobo cu COVID-19

    Arubahuis ta confirma e prome caso positivo di studiante nobo cu COVID-19

    DEN HAAG - Arubahuis ta confirma e prome caso positivo di studiante nobo cu COVID-19. Asina minister plenipotenciario di Aruba na Hulanda a confirma pa e portal aki awe mainta. “ Nos tin mientras tanto 9 studiante cu a haci test y nos ta pendiente di e demas resultadonan. Arubahuis ta den contacto cu Gobierno di Aruba y cu GGD na Hulanda pa ricibi e instruccionnan necesario di con mester sigui atende cu e situacion. Arubahuis ta facilitando GGD cu tur e informacion necesario y GGD y Arubahuis lo tuma contacto lo mas pronto posibel cu e studiantenan den cuestion”.

  • Powered by SETAR