Rijna: Bonaire lo mantene frontera cu Aruba habri toch

Rijna: Bonaire lo mantene frontera cu Aruba habri toch

Posted on 07/9/2020 9:02 am AST | Updated on 07/9/2020 9:03 am AST

KRALENDIJK – Bonaire no ta cera su frontera pa Aruba mas entrante diabierna awor 10 di juli. Asina gezaghebber di e isla Edison Rijna a confirma pa noticiacla.com. “Si, Aruba ta keda den bubbel pa nos hendenan” e mandatario a cuminsa na bisa. E decision ey a cay diaranson despues di un reunion di evaluacion. Mientras cu no ta cera e frontera, ‘lo monitor (Aruba) hopi di aserca’. E mandatario tabatin bon palabra tambe pa e forma con Aruba ta anda cu e crisis. “Aruba mes ta hasi hopi pa evita ku e virus ta yega via di Merca. Tin bon palabracion cu boso DVG”, Rijna a sigui bisa. 

CERA FRONTERA

Algun siman pasa ainda Rijna a bisa cu ta cera frontera cu Aruba asina cu esaki habri su frontera pa Merca. Esaki a causa poco consternacion na Aruba (y Bonaire) pasobra tabatin e miedo di biaha e ora, cu chens cu bo por a keda pega na un di e islanan, despues di 10 di juli (mayan). Esaki no ta e caso mas. Di otro banda, no ta descarta cu si e situacion escala y Aruba bira mucho infecta, cu Bonaire por tuma e decision di cera su frontera ainda. 

CONDICIONAN DI BONAIRE

Bonaire a presenta su condicionan diaranson riba e situacion di biahe. Aki e mandatario ta anuncia cu a dicidi cu ta mantene e maneho di entrada, unda cu tambe ta sigui cu e regla cu mester yena un declaracion di salud pa tur pasahero cu yega e isla, no obstante e aeropuerto di salida. Mientras cu Bonaire no por exigi (obliga) e pasahero pa tuma un PCR Test 72 ora prome cu e biaha pa e isla, ta haci un apelacion riba e sentido di responsabilidad di e biahero, na bienestar di su salud propio y esun di Bonaire. Ademas, pasaheronan cu te cu 14 dia prome cu a biaha pa Bonaire, a permanece na un pais di riesgo halto, no por biaha pa e isla. Si nan dicidi di biaha toch, nan entrada lo wordo prohibi a base di ley vigente di entrada di islanan BES. Por lesa e reglanan completo AKI. 

  • Gezaghebber Rijna: No por biaha liber mas entre Aruba y Boneiru

    Gezaghebber Rijna: No por biaha liber mas entre Aruba y Boneiru

    KRALENDIJK – Boneiru ta suspende for di 6 di augusus 2020 e ‘air-bubble’ cu Aruba. E espacio aereo ta keda habri, pero pasaheronan no por biaha liber mas di Aruba bini Boneiru. A tuma e desishon aki despues cu e cantidad di persona contagia cu COVID-19 a subi drastico na Aruba. Pa motibo di e tantisimo casonan nobo di COVID-19 ta mira Aruba como un pais di riesgo halto. Manera indica den e ordenansa di emergensia tur hende cu ta bini awor for di un pais cu riesgo halto, manera Aruba, mester bai 14 dia den cuarentena na cas. Cu a suspendé e ‘air-bubble’ ta nifica cu a wanta e palabrashon tocante coneccion cu Aruba. Na momento cu e situacion na Aruba normalisa por sigui cu e palabracion cu ya ta riba mesa. 

  • Secretario di estado Raymond Knops a pasa vakantie na Bonaire

    Secretario di estado Raymond Knops a pasa vakantie na Bonaire

    KRALENDIJK - Secretario di Estado Raymond Knops (48), encarga cu relashonnan den Reino, a pasa su vakantie na Boneiru hunto cu su famia recientemente. E tabata compañá cu su esposa Laura y dos yiu hombernan Joris y Maxim. Hunto cu gezaghebber Edison Rijna, Bòi Antoin di Fundashon Historiko Boneriano (FuHiKuBo) famia Knops a cana den un pida mondi di e anterior plantashi Colombia. 

  • Parti Frances di St Maarten a cera frontera pa e parti Hulandes debi na COVID-19

    Parti Frances di St Maarten a cera frontera pa e parti Hulandes debi na COVID-19

    PHILLIPSBURG – E parti Frances di St Maarten a cera frontera pa parti Hulandes entrante 12’or di merdia diabierna proximo. Asina gobierno di St Maarten a participa diaranson. E motibo ta e situacion di COVID-19 cu a surgi na e parti Hulandes cu a bolbe aumenta. Esnan cu kier tin aceso na e parti Frances, mester haci esaki prome cu e fecha ey. Di otro forma, solamente hendenan cu ta traha na e parti Frances, por tin aceso, pa motibonan medico y pa asistencia di anciando.  Lo duna e aceso ey cu e documentacion necesario. E parti Hulandes lo no actua den forma reciproca, pues esey ta nifica cu esnan di parti Frances, por trafica sin problema pa e parti Hulandes. 

  • Boneiru a cera frontera pa St Maarten te prome di September

    Boneiru a cera frontera pa St Maarten te prome di September

    KRALENDIJK – Boneiro a kita Sint Maarten for di e lista di paisnan cu riesgo abou. Esaki kier men cu nan ta cera frontera pa e isla aki. Asina gobierno di Bonaire a informa pa medio di un comunicado dialuna atardi. Segun gobierno di e isla di Flamingo, na e isla tin hopi persona cu e malesa di COVID-19. Na mesun momento a dicidi pa tene espacio aereo cera pa paisnan cu riesgo halto te prome september.

  • St Maarten a raporta 10 caso positivo di COVID-19 riba un dia

    St Maarten a raporta 10 caso positivo di COVID-19 riba un dia

    PHILIPSBURG – St Maarten a raporta 10 caso positivo di COVID-19 riba un solo dia. Esaki a sosode diahuebs anochi pa medio di un comunicado di minister di Salud di St Maarten, Richard Panneflek segun e portal The Daily Herald. Na tur, e isla tin 16 caso positivo activo actualmente, mientras na tur e isla su cifra total ta 94. E mandatario segun un comunicado, ta raporta cu dia 21 di juli tabatin 2 caso nobo, 3 riba 22 di juli y dia 23 anochi, a raporta 10 caso. Te cu awor tin 63 persona a recupera, y 15 a fayece di e virus. Anto tur esaki teniendo na cuenta cu ainda e isla no a habri frontera pa Merca ainda. Esey ta tuma lugar dia 1 di augustus proximo. 

  • Pasaheronan riba avion cu a sinta banda di persona contamina, a bai den cuarentena na Boneiru

    Pasaheronan riba avion cu a sinta banda di persona contamina, a bai den cuarentena na Boneiru

    KRALENDIJK – Tur persona biniendo Boneiru cu a sinta banda di un pasahero cu a test positivo riba COVID-19 a bai den cuarentena. Asin’ei servicio di Salubridad Publico ta controla si nan tambe ta haña sintoma. Asina e portal aki a compronde di gobierno di Bonaire despues di e suseso di ayera ora cu un avion di Hulanda tabatin un pasahero positivo cu COVID-19 abordo. E pasahero mes tabata un yiu di Corsou cu pues den avion a bin compronde cu e ta positivo pa e virus.

  • Powered by SETAR