Amigonan di Edward “Catuna” Croes awe a recorde un dia prome cu Fuikdag na Corsou

WILLEMSTAD -  Un dia prome cu e popular evento playera 'Fuikdag' na Corsou, amigonan di Eduard “Catuna” Croes (efm) a prepara algo na memoria di nan amigo di Aruba. Esaki a sosode riba e yate Big Papi, unda cu entre otro tabata presente e DJ di Aruba Nutz Beat. Awe y mayan, esta riba Fuikdag mes, nan lo recorda nan amigo cu pa basta aña a celebra esaki entre su amigonan. Riba e boto por mira Nutz Beat hunto cu amigonan di ‘Catuna’, manera entre otro George Metry. Un aña pasa Metry tabata esun tambe cu a honra Catuna na loke a bira su ultimo presencia di Fuikdag. Riba e potret por mira e momento ey tambe di un aña pasa.

Aña pasa 'Catuna' tabata na Fuikdag, pero a bay cu avion enbes di boto. Unabes na Corsou e la pasa henter Fuikdag riba su boto, pero despues a bolbe Aruba den avion. Esaki pa motibo di su enfermedad. Y ta na e ocasion aki, a honre, mirando su situacion den cual e tabata. A dicidi pa haci algo e momento ey caba. Algo cu a keda masha aprecia. E biaha aki, su amigonan a dicidi cu un biaha mas ta recorde, y a haci esaki pues awe y ta sigui cune mayan.