Bikker: Otro siman partido POR ta evalua situacion minister Marisol Lopez Tromp

ORANJESTAD – Otro siman, partido politico POR lo evalua via su partijraad, con e proceso di mediation a encamina, pa loke ta e posicion di minister Marisol Lopez Tromp. Asina lider interino di e partido, Andin Bikker a bisa noticiacla.com diamars atardi. Segun Bikker, “di banda di partido a dicidi pa duna prioridad na e retonan cu nos Pais ta enfrentando actualmente den e periodo prome cu reces” Bikker a bisa. Esey ta splica e tardansa cu a surgi den e asunto di e retiro di e mandatario. 

RETIRO DI MINISTER

Tabata mas cu 5 siman pasa cu e partido den forma abrupto, e partido a yama un conferencia di prensa pa participa cu debi na desaroyo interno den e partido, a termina confiansa den su propio minister Marisol Lopez Tromp, y cu ta exigi’e pa e retira tres dia despues mas tarda. Sinembargo esey no a sosode y a mandatario en cuestion a opta pa no duna oido na e retiro y a keda cu su funcion como minister. E partido mientrastanto despues (riba peticion di prome minister Evelyn Wever Croes), a dicidi den interes general, pa inicia un session di mediation cu e mandatario en cuestion. E mandatario despues di un tempo, a dicidi di participa, pero for di fuentenan interno, a compronde cu esaki no ta(bata) bayendo bon. Despues diripiente no a tende nada mas, mientras cu e mandatario ta trahando keto bay como minister, y e partido no tabata bisa nada mas. Riba esey, e portal aki a dicidi di averigua kico e motibo ta pa e silencio riba e tema. Pues otro siman, lo tin cu wak kico ta bira e situacion. NOTA: E potret ta di archivo di noticiacla.com, saca durante e conferencia di prensa di e partido POR anunciando retiro di su minister.