Parlamento a aproba ley di reduccion di salario di gobernante y ambtenaar

ORANJESTAD – Parlamento a aproba e concepto di ley OLV Tijdelijke versobering bezoldigingen en voorzieningen overheid, esta e ley cu ta reduci salario di gobierno y ambtenaar temporalmente relaciona cu e crisis di COVID cu 11 voto pro y 9 contra. Esaki ta encera cu e tanto minister, parlamentario como ambtenaar lo entrega nan salario relaciona cu e crisis di COVID-19. Cu aprobacion di e ley aki, Aruba ta cumpli cu un di e condicionan poni pa Hulanda (lesa: RMR) pa cu e fiansa di tranche pa Aruba por paga su debenan di COVID-19. E ley ta traha 'tot nader orde', pero asina cu e situacion mehora, e intencion ta pa cambia e ley aki bek. Sindicatonan tabatin problema cu parti di e ley, unda cu segun articulo 7, lo gobierno por a haci cambio sin pasa Parlamento. Pero segun gobierno esaki no ta e caso, y tin suficiente instrumento pa laga Parlamento adapta y of no aproba si nan no ta mira cu e ley ta corecto. Pa e ley completo click AKI