Corte di apelacion: Schotte mester paga 1.8 miyon of bay prizon pa 3 aña

WILLEMSTAD – Corte di apelacion na Corsou a confirma sentencia di 1.8 miyon florin di pago bek of 3 aña di prizon pa ex premier di e isla, Gerrit Schotte. Abogado General (AG) mr. Angela a demanda algun siman pasa den corte di apelacion, e caso di expropia contra e ex lider di partido MFK y ex premier, e cargonan menciona.  E caso ta sali for di caso Babel caminda cu Schotte a keda condena na castigo di prizon pa acto di falsificacion, soborno y labamento di placa. Di acuerdo cu Angela, e demanda di expropiacion di 1.8 miyon florin ta basa riba dos punto. Un di nan ta e suma di 140 mil dollar y 73 mil dollar cu Schotte a haya directamente cerca Corallo y su compania Betplus. Door di falsificacion, a sconde origen di unda e placa a bin. E tres huesnan den corte di apelacion a confirma e sentencia cu Schotte a haya den prome instancia. Lesa e sentencia AKI. 

Cortesia Extra Curacao