Koolman: Corsou no ta considera Aruba un risico halto ainda pa cera frontera cu nos

ORANJESTAD – No ta asina cu e otro islanan di Reino Hulandes, ta evaluando di nan banda, specificamente Corsou, con lo atende cu e hecho cu Aruba ta habri frontera cu Merca diabierna. Asina miembro di e Crisis Team, Sharlene Koolman a contesta un pregunta di noticiacla.com dialuna anochi. Esaki basa riba informacion cu tanto Corsou como Bonaire lo a anuncia cu ta cera nan frontera cu Aruba diabierna ora cu nos habri cu Merca. 

E SITUACION

Segun Koolman, e islanan ta usa e formula di controla e ratio di casononan positivo pa e islanan y wak con halto cada isla ta pa loke ta riesgo. “Pa nan, Aruba aworaki tambe ta den riesgo abou, pasobra nos positivity rate ta abou, nihil, no tin. E casonan cu nos tin ta 4 caso importa. Es decir, pa nan, te ainda Aruba ta riba un low risk” Koolman a sigui bisa. E momento cu ta dicidi cu ta switch Aruba pa un high risk, probablemente nan lo por cera frontera cu nos. 

HULANDAKoolman no ta kere cu Hulanda lo cera frontera pa Aruba. Durante tur e tempo cu Europa tabatin problema, Hulanda nunca a cera e parti ey. “Y mi no a sinti for di nan tampoco cu esey ta e caminda cu (nan) kier bay”. Koolman a bisa. A bisa te hasta cu for di Hulanda tin cierto aeroliña cu lo desea te hasta di haci e test di COVID-19 prome cu bin Aruba.