Hulanda no a dicidi ainda si ta cera frontera pa Aruba ora cu nos habri pa Merca

Hulanda no a dicidi ainda si ta cera frontera pa Aruba ora cu nos habri pa Merca

Posted on 07/6/2020 11:44 am AST | Updated on 07/6/2020 11:46 am AST

ORANJESTAD – Cu reapertura di frontera di Aruba cu Merca diabierna awor, tin un situacion cu ta un posibilidad cu ta cu Hulanda por cera frontera pa Aruba ora cu esaki sosode. Esaki pasobra Union Europa a cera porta pa Merca debi na e situacion actual cu Merca no tin e problema di COVID-19 conteni. Mes momento Bonaire y Corsou a anuncia cu lo cera frontera cu Aruba bek, unabez cu Aruba habri frontera cu Merca diabierna. “Nan a bisa nos cu esey nan no a dicidi ainda” minister di turismo Dangui Oduber a bisa noticiacla.com dialuna mainta. “No nan no a dicidi esey a ainda. Nan ta traha cu codering corra, oranje etc y pa nos no a cambia ainda” Oduber a sigui bisa. 

HOPI PREGUNTA

Hopi lector di noticiacla.com ta preocupa y acerca e portal aki cu varios pregunta riba e tema aki. Cu e.o. kico ta pasa cu bursalen cu ta preparando pa biaha pa Hulanda proximamente, y cu si nan por biaha ainda si cera frontera cu Aruba. Mester bisa si cu e situacion cu bursalen por ta diferente, si tene na cuenta cu bursalen cu biaha pa Hulanda, mester ‘schrijf uit’ cu ta nifica cu nan no ta ‘residente’ di Aruba mas, pero cu nan tin cu bira ‘residente di Hulanda’. Y e status ey por cambia nan situacion. Mescos cu e pregunta a bin cu kico ta pasa si cera frontera cu Aruba, con ta para cu e Hulandesnan of otro Europeonan cu ta na Aruba e ora cu vacacion. A compronde cu pa nan, no ta un problema, pasobra nan como residente di Union Europeo, ta wordo permiti pa drenta bek. Ta personanan cu no tin nacionalidad di Union Europeo, lo no por drenta e.o. Hulanda bek. Ta keda monitoria e situacion aki e dianan nos dilanti. 

  • Zulo
  • Powered by SETAR