- Corte a rechasa peticion di gobierno pa kita (wraak) huez di caso Isla di Oro
- Rafael Nadal: Mi ta considera esaki como mi ultimo aña (hungando tennis professional)
- Diamars minister tin cu duna cuenta na Parlamento riba imigracion
- Carlos Bislip cu concierto gratis di JAM riba Dia Mundial di Jazz
- Cu un beca Tula, un studiante di Corsou por haci estudio di historia na Hulanda
DVG ta recorda cu no por importa cacho di Sur y Centro America
ORANJESTAD – Recientemente a sali den publicidad un caso unda un cacho illegalmente a wordo importa for di Colombia y atravez di medio di comunicacion kier hunga cu sentimento di comunidad pa di e manera aki purba obliga Veterinaire Dienst pa kibra ley, esaki sigur ta algo di lamenta profundo. E ley ta bisa cu no por importa cachonan for di e paisnan menciona.
Na momento cu un persona tin pensa di biaha cu su mascota, ta deber di e persona pa di antemano revisa e condicionan rekeri na e instancia oficial di e pais na unda nan kier bai di biahe, pasobra cada pais tin nan leynan y condicionan.
Na Aruba ley ta stipula pa añas caba cu ta prohibi di bin cu cacho for di Sur- y Midden America incluyendo Mexico, St. Domingo, Haiti y Cuba.
Pa loke ta e caso particular aki ta asina cu 2 siman pasa a trata di drenta Aruba illegalmente cu e cacho. Douane cumpliendo cu ley no a permiti e cacho drenta Aruba y a splica corectamente na e doño e motibo di esaki. Den casonan asina unda ta purba importa animalnan illegal, normalmente ta purba di manda e animalnan bek nan pais riba e mesun buelo, pero esaki no a logra y douane a tuma contacto cu Veterinaire Dienst pa tuma e animal over. Desde e dia aki e cacho ta den quarentena manera stipula pa ley pa asina duna e doño chens pa regla pa e bestia bai bek. Lamentablemente e donjo no a usa e tempo aki pa busca solucion pa manda e cacho bek.
Veterinaire Dienst cu ta un servicio di Departamento di Salud Publico ta e seccion cu ta supervisa leynan cu ta relata na salud di animalnan. Veterinaire dienst ta traha cu diferente ley pa proteha nos comunidad di “zoonosis” cu ta malesanan transmiti di bestia pa hende manera rabies y covid-19, pa proteha nos fauna indemico y nos animalnan di malesanan infeccioso di bestia manera parvo y schroefworm. Veterinaire Dienst ta traha hunto cu Douane pa supervisa e ley di importacon di animal y pa salvaguardia salud di comunidad henter.
Den nos leynan e unico excepcion pa cu un famia por bin cu su mascota Aruba si e ta encera un verhuizing. Pa cu esaki tin condicionan hopi estricto y e cacho mester ta un miembro di famia, es decir e mester por a biba cu e famia mas cu 6 luna. Contrario na declaracion di e doño di e cacho, Douane y Veterinaire Dienst a constata cu e doño y e cacho no ta cumpli cu e exigencianan pa wordo permiti na Aruba. E cacho no tin tur e vacunanan y testnan nesesario, e cacho no por wordo considera un inboedel pa motibo cu pa un animal wordo considera un inboedel prosedente di Zuid America tin un proseso estricto y largo cu e cacho tin pa cumpli cu ne pa descarta tur malesa infeccioso y banda di esaki e cacho ta prosedente di un pais unda importacion ta estrictamente prohibi y esaki e persona tawata na altura di dje manera e mes a declara.
Casonan manera esaki ta sosode cu frecuencia y Veterinaire Dienst ta cumpli cu ley manera cu esaki ta indica. Veterinaire Diensta ta lamenta un bes mas cu kier trata na trapa riba nos leynan door di bay den publicidad. Leynan tey y nos tin pa traha y cumpli cu nan y Minister of Gobierno no por kibra esakinan.
Veterinaire Dienst ta haci su trabou pa vigila cu ningun animal ta drenta Aruba illegalmente cu e risico di por causa un brote of epidemia di malesanan infeccioso di animal aki na Aruba.
E cacho encuestion mester wordo manda bek pa Colombia pa asina evita cu lo mester pone drumi. E decision a wordo tuma cu e cacho lo tin cu bai bek. Ta e deber di e doño pa zorg pa esaki y e ta haya e espacio aki tambe. Nos ta lamenta cu e persona no a informa su mes promer cu e la importa e cacho y despues no kier respeta e reglanan y leynan vigente. Ley ta pa tur hende cumpli y e ley aki no ta permiti ningun gobernante pa haci excepcion riba dje.
DVG ta spera cu comunidad henter por compronde esaki.
Documentario di ATA, "Blue Lizard Effect" lo expone Aruba riba canalnan internacional di television
ORANJESTAD - Durante un anochi bou di streanan na Parke Arikok, den presencia di bishitantenan special, productornan y partipantenan di e documentario, A.T.A. a presenta na presentacion den un manera exclusivo di e documentario di “Blue Lizard Effect”. Un serie documental revolucionario cu ta profundisa su mes den e mundo fascinante di Aruba, pero di un angulo diferente; e serie ta explora e concepto energetico di felicidad y e conexion profundo cu e cultura, e hende, y naturalesa di e isla ta provee pa cu esaki. Aruba ta asina e escenario unda cu ta papia di e topico di un bida feliz y con pa enfoca riba esaki.
Healthy Llifestyle Center a habri sucursal pariba di brug na MFA Savaneta
Wendy’s Aruba ta estrena programa Wendy’s Care
Grupo grandi di persona a participa den marcha contra maltrato di bestia
ORANJESTAD – Un grupo grandi di persona a cana diasabra atardi den un marcha di protesta contra maltrato di bestia. Bisti na blanco, sea completamente na blanco of un t-shirt cu e cara di e cacho Khaleesi cu a fayece recientemente di maltrato na man di su doño. E grupo a marcha di Kazerne di bombero na aeropuerto te dilanti e beach dilanti e cas ceremonial di Gobernador, unda cu a reuni y a comparti momentonan di solidaridad entre esnan presente. Potret cortesia Dick Drayer.
The Travel: Aruba ta e di 5 isla mas sigur den Caribe for di un lista di 7
ORANJESTAD – Mientras cu recientemente gobierno di Aruba a cita un informacion internacional cu Aruba ta e isla mas safe den Caribe, un otro raportahe cu a sali e siman aki riba e portal www.thetravel.com, ta pone Aruba na number 5 di 7 pais den Caribe. E portal ta sigui mustra cu biaheronan por experencia tur e miho partinan di Caribe, desde e islanan ABC te nabega e lamanan pa e resortnan all inclusive y relaha riba islanan aisle y disfruta di e calor di Caribe. Esaki sin sinti menasa pa actividadnan criminal.
Pelicula Hulandes Invasie, filma tambe na Marinierskazerne Sanaveta, ta yega Aruba otro siman
ORANJESTAD – E Paraiso turistico Aruba, ta wordo invadi pa un pais bisiña. Un scenario cu ningun hende kier pensa ariba. E realidad ta cu otro siman diahuebs, The Movies ta estrena e pelicula Hulandes INVASIE unda cu netamente esey ta sosode. Un pelicula basa riba un invasion militar riba tanto Aruba como Corsou. Y si a kere cu a usa décor y otro tipo di artefacto pa simula un scenario di guera, esaki ta robez. Pa e pelicula aki, e base di marinier na Savaneta y esun na Parera Corsou a wordo usa, completo cu ekipo y personal di marina real.
Follow NoticiaCla
