Ministernan ta reclama: Reforma den un luna di tempo ta mucho cortico

DEN HAAG – E tempo cu cual   Aruba, Curaçao y Sint-Maarten mester reforma segun Hulanda, a cambio di e fiansa ta mucho halto. Ministernan plenipotenciario di e islanan diabierna na vocifera nan mes despues di e conseho di Reino diabierna merdia (ora di Hulanda).  Nan ta mustra cu pa introduci reforma den un luna di tempo no ta realistico. 

CAPACIDAD

E capacidad no tey, pa haya expertonan pa traha riba tur esaki. Ta e mesun expertonan ta trahando riba e crisis di COVID-19. Y no por djis corta den salario y beneficio laboral sin papia cu sindicatonan. Asina un di e ministernan, Anthony Begina (Corsou) ta bisa. “Na Hulanda esaki nunca lo sosode!’.  Segun secretario Hulandes Knops, e situacion na Hulanda ta diferente. E ta spera cu e.o. Corsou cu tin un CAO, mustra mas solidaridad pa esnan desemplea. Segun e secretario di Estado, Aruba a laga mustra cu ta posibel pa sali afo cu e sindicatonan. 

MAS EXIGENCIA

Otro siman diabierna 10 di juli tin un RMR extra, riba e di tres fiansa. Si e economia no drecha lihe, e suma di 350 miyon euro cu a wordo fia caba, lo por yega na un biyon segun Knops. E speransa ta cu gobierno Hulandes cu ayudo di Tweede Kamer, lo propone condicionan aun mas severo. Nan lo no ta condiconan absurdo segun Knops. “Nos lo pidi e paisnan pa haci loke nan no a haci pa añanan largo. Nan ta pidi nos centenares di miyones, y e ora bo no por pidi (nan) te aki dos aña si nan kier reforma kizas?”.

DOCUMENTONAN

Segun St Maarten, ainda nan no a ricibi e documentonan di e condicionan nobo. E secretario (Knops) a priminti cu esaki lo bin dialuna. Pa loke ta e minister di Aruba Guilfred Besaril, el a recorda cu tur isla ta diferente y cu tin cu tene cuenta cu esaki. Cu esaki e ta referi cu e situacion di Corsou y St Maarten ta diferente. Ambos a haya kwijtschelding di debe, y Aruba no. Cortesia Caribisch Netwerk Potret John Samson.