Aruba Airlines ta sigura salud di su empleadonan despues cu uno a test positivo pa COVID-19

Posted on 07/3/2020 10:46 am AST | Updated on 07/3/2020 10:48 am AST

ORANJESTAD - Aruba Airlines ta sigura salud di su empleadonan despues cu uno a test positivo pa COVID-19. Asina e compania a declara diabierna mainta pa medio di un comunicado. E aeroliña ta raporta cu na luna di Juni, durante un proceso di mantención rutinario, a hanja su mes confronta cu un incidente unda e avión CRJ a worde accidenta y gerencia a tuma e decision inmediato di manda repara esaki na JacksonVille.  E avion a keda cla y dia prome di juli Aruba Airlines a re inicia su vuelo nan pa Korsou, pa cual motibo a sali cu un delay, mirando cu e avion a yega e mainta ey mes for di Merca un poco mas laat cu anticipa.

TRIPULANTE A TEST POSITIVO 

Un di e tripulante, den e caso aki e co piloto cu a trece e avion bek for di JacksonVille, a test positivo pa cu Covid-19 y di inmediato Aruba Airlines a tuma tur e pasonan necesario pa sigura e salud di tur su empleadonan, desinfectando e mesun dia tur e edificionan y propio avión segun protocolnan.  E avion ora a bin for di JacksonVille, no tabata tin pasahero. Unabez cu a constata e caso positivo aki, e persona en cuestión a wordo isola y tur protocol fiha pa DVG a worde sigi. Danki Dios nos colega ta den bon condicion di salud y na e momento nan aki ta na hospitaal pa observacion. 

A SIGUI PROTOCOL DI SEGURIDAD

Aruba Airlines ta sigura tur su pasaheronan cu protocol nan di seguridad y salubridad ta wordo sigi estrictamente pa asina por garantiza e bienestar di tur su empleadonan y nos pasaheronan.  Vuelonan programa entre Aruba y Corsou ta continúa manera e itinerario normal riba diadomingo, dialuna, diaranson y diabierna. Gerencia y personal di Aruba Airlines a desea nan colega tur clase di exito y un pronto recuperacion.        

  • Aruba a surpasa 800 caso positivo activo di COVID-19

    Aruba a surpasa 800 caso positivo activo di COVID-19

    ORANJESTAD – Diabierna Aruba a surpasa 800 caso positivo activo di COVID-19. Mientras cu e cantidad di caso nobo a keda registra como 79, tin tambe 49 cu a recupera. Esey no ta kita afo cu falta masha poco pa nos tin un total record di 1000 caso registra di COVID-19. Mientrastanto segun DVG, despues di 11 dia cu e brote di Covid-19 a cuminsa aki na Aruba, awe segun protocol nobo por a cuminsa duna autorisacion na algun persona pa sali di isolacion y registranan riba lista di esnan recupera. E instruccion ta pa comunidad sigui cumpli cu e medidanan di proteccion y higiena na tur momento

  • DVG: Awe Aruba ta raporta 96 caso positivo nobo di COVID19

    DVG: Awe Aruba ta raporta 96 caso positivo nobo di COVID19

    ORANJESTAD - Awe tin 96 caso nobo positivo di 752 test cu a keda realisa. Manera cu DVG y Hospital ya a informa awe den oranan di mainta; un pashent cu tawata interna den hospital pa condicionan di salud no relaciona cu Covid-19 a fayece.

  • DVG: Morto di homber di 75 aña na hospital no ta a causa di COVID19

    DVG: Morto di homber di 75 aña na hospital no ta a causa di COVID19

    ORANJESTAD - Relaciona cu informacion di fayecimento di un persona masculino di 75 aña di edad cu tawata interna den hospital, DVG ta informa cu e persona su fayecimento no ta a causa di e virus Covid-19, asina hospital a confirma. "Nos ta manda palabra di condolencia na famianan di e fayecido y ta pidi comunidad respeta privacidad di e famia".

  • Tur cuater pashent hospitalisa cu COVID-19 ta hende homber

    Tur cuater pashent hospitalisa cu COVID-19 ta hende homber

    ORANJESTAD – Tur cuater pashent interna cu COVID-19 na Aruba ta hende masculino. Asina Sharline Koolman di DVG a contesta e portal aki diaranson anochi durante e briefing pa COVID-19. Ademas, e persona den ICU (Cuido Intensivo) ta esun mas hoben di 29 aña. E otronan ta varia entre 53,66, y esun mas bieu ta 76 di edad. 

  • Tin 4 persona cu COVID-19 interna den Hospital Horacio Oduber, di cual uno den ICU

    Tin 4 persona cu COVID-19 interna den Hospital Horacio Oduber, di cual uno den ICU

    ORANJESTAD – Tin un pashent di COVID-19 cu a keda interna den cuido intensivo (ICU) y tin 2 cu ta hospitalisa den seccion ‘regular’, y uno den cuarentena. Fuentenan na hospital a confirma esaki diaranson merdia. Pues tin 4 persona admiti den hospital pa COVID-19 di e 681 casonan active actualmente. No ta conoci ki dia e persona a drenta ICU ni si ta e persona cu a drenta recientemente pa algo otro y a resulta cu e tambe tabatin COVID-19. 

  • DVG cu cambio den maneho pa cu cuarentena

    DVG cu cambio den maneho pa cu cuarentena

    ORANJESTAD – Diaranson, DVG a anuncia cu tin cambio den maneho pa cu cuarentena. Segun e departamento, gradualmente e casonan ta subi, gradualmente ta bay ta ahusta y trese cambio na cierto maneho.

  • Powered by SETAR