- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
A extendi fecha pa solicita expresion di interes pa Cannabis Medicinal
ORANJESTAD – Gobierno di Aruba a extende e fecha pa solicita expresion di interes pa Cannabis Medicinal. Esaki debi na e problema cu COVID-19. Asina minister di salud Dangui Oduber a confirma diahuebs. Manera ta conoci, dia 2 di maart 2020 su ministerio a publica e asina yama “Request for Expression of Interest” (REOI). Esaki a wordo publica como parti preliminario di e exploracion di e Ministerio cu e intencion pa explora y determina e interes di e partidonan den e mercado di cannabis medicinal. Pa wak si e partidonan tin e interes di forma parti di e indutria nobo di cannabis medicinal na Aruba y pa inventarisa ki tipo di interes ta existi den e partidonan.
E ultimo fecha pa entrega e REOI aki tabata 6 di april 2020, pero na momento cu Aruba haye confronta den un pandemia tur cos a cambia. Na momento cu COVID-19 a yega Aruba tur prioridad di Minister Oduber mester a bay den e plan di crisis di Aruba. Pa e motibo aki Minister Oduber a dicidi pa extende e e “deadline” pa 31 di juli 2020. Consecuentemente e seccion 19 di e REOI ta keda amenda y re-instala manera ta indica den e parti abou. Tur otro seccion di e REOI lo keda mesun cos sin nigun cambio y ta keda vigente.
AKI por lesa……. (Section 19 amended and re-instated 19 Communication Parties that have and can demonstrate experience in the relevant field and can meet the aforementioned relevant criteria are requested to send their expression of interest in one)
Ta asina cu tur proposicion mester cumpli cu tur e rekisitonan cu ta para den e REOI. E contenido y e calidad di e proposicion ta keda un material pa evaluacion. Proposicionnan cu ta contene solamente exprecionnan di deseo y/of no por demostra e abilidad pa cumpli cu tur e rekisitonan di e REOI lo no wordo considera como un proposicion serio y por kedan descarta di mayor consideracion.
Video: Ryçond Santos do Nascimento ta considera su entrada den AVP como un eror
ORANJESTAD – Actual parlamentario independiente mr. dr. Ryçond Santos do Nascimento ta considera su decision pa subi lista berde AVP como un di su erornan cu e la comete den su bida. Asina e parlamentario a admiti na e periodista Tito Laclé durante e programa Noticiacla LIVE diamars anochi. E ta splica esaki den un fragment di e programa.
Minister a anuncia mando nobo temporal na Cuerpo di bombero
ORANJESTAD - Cuerpo di bombero temporalmente tin ekipo nobo di maneho. Por lo menos asina minister di husticia Rocco Tjon a anuncia diaranson mainta riba su pagina di Facebook. Esaki despues cu a manda esun cu tabata na cabes, Emilio Geerman cas recientemente. “Awe mainta nos a reuni cu e miembronan nobo di e management team di brandweer. Esaki mirando e ultimo desaroyonan” e minister a cuminsa na bisa.
Acuerdo di colaboracion entre instancianan di salud mental den CAS-BES reforsa
WILLEMSTAD – Recientemente durante un conferencia cu a tuma lugar na Corsou, diferente partner di salud mental (GGZ) den e Caribe Hulandes a logra adelanto den nan esfuerso pa intensifica e acuerdo di colaboracion titula ‘Dutch Caribbean Mental Health’ y a expresa nan deseao di formalisa esaki den un entidad huridico. Meta di ‘Federatie Dutch Caribbean Mental Health’ ta pa promove calidad di cuido di salud mental riba tur e islanan den Reino. E federacion lo facilita intercambionan di experticio di contenido y e parti organisatorio. Principalmente riba e tereno di calidad, desaroyo continuo, ley y regulacion y educacion.
Gobierno y CAFT ta den proceso pa reemplaza actual miembro pa Aruba ora su termino vence
DEN HAAG - E siman aki cu Minister Maduro di Finansa ta na Hulanda, e mandatario a reuni cu Presidente di CAFT, sra. Lidewijde van Olerongen. Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAFT ya cu e termino di sra. Helen van der Wal ta bay yega su fin na augustus e aña aki. E mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
Oduber: Maneho nobo pa haya permiso pa hotel; Ta permiti solamente Boutique hotels!
ORANJESTAD – Desde awor en adelante, gobiero ta duna permiso solamente pa traha boutique hotel, vs cualkier otro tipo di hotel. Minister Dangui Oduber diamars a anuncia cu a introduci e maneho nobo di otorgamento pa permiso di hotel den cuadro di turismo sostenibel. “E maneho aki ta tene na cuenta cu Aruba no por sigui crece na e velocidad cu e ta bayendo y mester tuma accionan concreto pa frena e cantidad di cambernan cu ainda lo mester construe”.
A prolonga ciere di frontera cu Venezuela cu cuater luna mas
ORANJESTAD – Ora cu a kere cu awor si ta bay habri frontera cu Venezuela pa e parti maritime, manera tabata indica, dialuna anochi gobierno di Aruba a informa cu un biaha mas ta prolonga e ciere di frontera cu Venezuela, te por lo menos augustus di e aña aki. Frontera cu Venezuela ta cera desde aña 2019, na momento cu Gobierno di Venezuela a cera e frontera unilateralmente. Na mei di 2023 a habri e frontera maritimo basa riba palabracionnan haci entre autoridadnan di Aruba y autoridadnan di Venezuela.
Follow NoticiaCla
