Un caso mas di Covid 19 ta keda registra na Aruba

Un caso mas di Covid 19 ta keda registra na Aruba

Posted on 07/2/2020 10:31 am AST | Updated on 07/2/2020 10:33 am AST

ORANJESTAD -  Awe mainta DVG ta informa cu un di 3 caso di Covid 19 Corona virus a keda constata despues cu un persona a test positivo. E ta bira e di 3 caso den un siman cu ta keda registra y e di 104 caso total pa Aruba desde 13 di Maart 2020. E persona a bay over pa permanece den isolacion na su cas mes ya cu e no tin mester di tratamento medico na Hospital. DVG ta desea e pashent un pronto recuperacion. Pa mas informacion tocante di update di casonan di Covid 19 y tur otro informacion manera; tips, protocol,registracion pa H&H code por bishita e website www.arubacovid19.org.

  • Aruba a surpasa 800 caso positivo activo di COVID-19

    Aruba a surpasa 800 caso positivo activo di COVID-19

    ORANJESTAD – Diabierna Aruba a surpasa 800 caso positivo activo di COVID-19. Mientras cu e cantidad di caso nobo a keda registra como 79, tin tambe 49 cu a recupera. Esey no ta kita afo cu falta masha poco pa nos tin un total record di 1000 caso registra di COVID-19. Mientrastanto segun DVG, despues di 11 dia cu e brote di Covid-19 a cuminsa aki na Aruba, awe segun protocol nobo por a cuminsa duna autorisacion na algun persona pa sali di isolacion y registranan riba lista di esnan recupera. E instruccion ta pa comunidad sigui cumpli cu e medidanan di proteccion y higiena na tur momento

  • DVG: Awe Aruba ta raporta 96 caso positivo nobo di COVID19

    DVG: Awe Aruba ta raporta 96 caso positivo nobo di COVID19

    ORANJESTAD - Awe tin 96 caso nobo positivo di 752 test cu a keda realisa. Manera cu DVG y Hospital ya a informa awe den oranan di mainta; un pashent cu tawata interna den hospital pa condicionan di salud no relaciona cu Covid-19 a fayece.

  • DVG: Morto di homber di 75 aña na hospital no ta a causa di COVID19

    DVG: Morto di homber di 75 aña na hospital no ta a causa di COVID19

    ORANJESTAD - Relaciona cu informacion di fayecimento di un persona masculino di 75 aña di edad cu tawata interna den hospital, DVG ta informa cu e persona su fayecimento no ta a causa di e virus Covid-19, asina hospital a confirma. "Nos ta manda palabra di condolencia na famianan di e fayecido y ta pidi comunidad respeta privacidad di e famia".

  • Tur cuater pashent hospitalisa cu COVID-19 ta hende homber

    Tur cuater pashent hospitalisa cu COVID-19 ta hende homber

    ORANJESTAD – Tur cuater pashent interna cu COVID-19 na Aruba ta hende masculino. Asina Sharline Koolman di DVG a contesta e portal aki diaranson anochi durante e briefing pa COVID-19. Ademas, e persona den ICU (Cuido Intensivo) ta esun mas hoben di 29 aña. E otronan ta varia entre 53,66, y esun mas bieu ta 76 di edad. 

  • Tin 4 persona cu COVID-19 interna den Hospital Horacio Oduber, di cual uno den ICU

    Tin 4 persona cu COVID-19 interna den Hospital Horacio Oduber, di cual uno den ICU

    ORANJESTAD – Tin un pashent di COVID-19 cu a keda interna den cuido intensivo (ICU) y tin 2 cu ta hospitalisa den seccion ‘regular’, y uno den cuarentena. Fuentenan na hospital a confirma esaki diaranson merdia. Pues tin 4 persona admiti den hospital pa COVID-19 di e 681 casonan active actualmente. No ta conoci ki dia e persona a drenta ICU ni si ta e persona cu a drenta recientemente pa algo otro y a resulta cu e tambe tabatin COVID-19. 

  • DVG cu cambio den maneho pa cu cuarentena

    DVG cu cambio den maneho pa cu cuarentena

    ORANJESTAD – Diaranson, DVG a anuncia cu tin cambio den maneho pa cu cuarentena. Segun e departamento, gradualmente e casonan ta subi, gradualmente ta bay ta ahusta y trese cambio na cierto maneho.

  • Powered by SETAR