Noticiacla.com ta cumpli 6 aña di existencia awe !

ORANJESTAD – Noticiacla.com ta cumpli su di 6 aniversario awe, 2 di juli 2020. Tabata 6 aña pasa cu e portal di noticia a nace, mei mei di un crisis constitucional cu Aruba a haya su mesa den cu Hulanda. Seis aña despues, Noticiacla.com ta keto bay informando su lectornan, local y internacional, y atrobe ta parce cu nos ta den un crisis constitucional. Aña pasa nos a celebra nos di 5 aniversario, y a haci esaki den forma di gradicimento pa tur esnan cu a sostene e portal, financieramente y moralmente, pa nos por a yega asina leu. Awe, un aña despues, mei mei di otro crisis, Noticiacla.com atrobe a demonstra di tey pa informa, y a coi e delantera atrobe riba varios aspect di e crisis aki. Tin hopi plan ainda, hopi meta pa yega. Y danki na primordialmente nos patrocinantenan fiho, cu tey cu nos ainda, nos por sigui dilanti, hasta cu un crisis feroz cu a afecta e economia di nos isla severamente. Danki un biaha mas na nos patrocinantenan, y boso, nos lectornan fiel. Tanto local como internacional. Cu boso sosten, nos lo por sigui pa dilanti, informando boso, cu noticia cu bo por confia!. Ban pa e di 7 aña