Huez a nenga peticion pa para referendum di Eagle Beach Resort

Huez a nenga peticion pa para referendum di Eagle Beach Resort

Posted on 06/30/2020 9:14 am AST | Updated on 06/30/2020 9:16 am AST

ORANJESTAD - Corte a nenga peticion pa para referendum di Eagle Beach Resort cu mester tuma lugar awe. Tabata dialuna (ayera) cu Corte den Prome Instancia na Aruba a trata e peticion di parti di Eagle Resort & Casino Aruba contra Mediador di Gobierno pa pospone e referendum bou di su empleadonan solicita door di sindicato FTA, cual referendum tin cu tuma lugar awe mainta cuminsando pa 8:30 di mainta.

E hotel di su banda a argumenta cu Mediador di Gobierno lo a crea e expectativa serca nan cu e referendum no lo mester a tuma lugar pasobra durante di algun combersacion e lo a indica di ta dispuesto pa intermedia pa cu problemanan cu por ta exisiti na pia di trabao. Pesey un referendum lo no ta necesario. Segun Juez sinembargo e hotel no por a saca e conclusion aki. Un apelacion riba e "principio di confianza" pues no por wordo haci cu exito.

Cu Mediador no lo a actua diligentemente y/o a haci mal uzo di su autoridad como Mediador (Detournement de Pouvoir) tampoco por wordo conclui, segun Juez. Mediador a ricibi un peticion pa referendum y a procesa esaki segun e exigencianan di ley.

Pa cu e ponencia cu door di e Corona-crisis un negociacion di CAO no ta oportuno, Juez a considera cu un referedum ta unicamente pa determina cua sindicato ta esun apunta pa negocia den nomber di trahadornan. E eventual resultado di negociacion di un CAO no ta relevante pa e desicion den e caso.

Basa riba lo antes menciona e peticion pa suspende e referendum a wordo nenga. 

FTA ta haci un peticion na tur empleado cu derecho di voto di Abura Development Corporation VBA (8:30-10:00), Eagle Aruba Casino Operating Corporation N.V. (10:30-12:30) y Eagle Aruba Resort Operating Corporation VBA (1:30-3:00), pa haci uzo di nan derecho di voto durante e votacion di mayan. Presenta bo mes na tempo y cu un identificacion valido pa asina haci uzo di bo derecho di voto. Por lesa e sentencia AKI.

  • Homber sentencia na 5 aña di prizon pa a viola dos menor di edad

    Homber sentencia na 5 aña di prizon pa a viola dos menor di edad

    ORANJESTAD – Corte a sentencia e homber J. Trimon na un castigo incondicional di prizon di 5 aña diabierna mainta. Corte a haya proba, cu e sospechoso durante dos aña a viola dos damita menor di edad, famia di su pareha, sexualmente. Asina huez a dicta den su veredicto. Bou di e pretexto di yuda nan cu tarea di scol, e la aparta nan den un camber separa, y a mishi cu nan di un forma no apropia, unda cu por papia di penetracion sexual. Huez a haya e declaracion di e damitanan creibel y confiabel. Ta considera hopi malo cu e sospechoso a abusa di su posicion y posiblemente causa posibel daño serio na nan desaroyo.  Den cuadro di esaki el a impone un castigo incondicional di 5 aña di prizon y mester paga e mamanan daño y perhuicio di 5 mil florin.  E caso a keda trata algun tempo atras, pa un huez di Corsou, ya cu e sospechoso ta relaciona cu famia di un huez na Aruba. 

  • Varios inval awe mainta relaciona cu caso di corupcion

    Varios inval awe mainta relaciona cu caso di corupcion

    ORANJESTAD - Awe mainta polis a tene varios inval relaciona cu un investigacion di landsrecherche relaciona cu supuesto corupcion. Asina vocero di ministerio publico Ann Angela a bisa noticiacla awe mainta. E inval a tuma lugar na varios residencia y negoshi. Den curso di dia OM lo bin cu mas detayes riba e caso aki. Entre e casnan y negoshi cu a drenta, por bisa cu uno ta di ex minister Oduber, Comerciante G.H, y un negoshi den Rumba straat. E cargonan di corupcion ta relaciona cu otorgamento di tereno di gobierno. No ta bisa si, ki periodo esaki ta. 

  • Ministerio Publico ta yama bursalnan pa aplica pa carta di bon conducta

    Ministerio Publico ta yama bursalnan pa aplica pa carta di bon conducta

    ORANJESTAD - Bo ta bay Hulanda na Juli pa sigui studia? Anto bo mester carta di buena conducta (VOG, Verklaring omtrent het gedrag). Pa inscribi bo mes na Hulanda bo tin cu mustra bo VOG.  Bo por aplica pa bo VOG dor di manda un e-mail pa [email protected], mencionando bo nomber, adres, y number di telefon, como tambe e motibo dicon bo mester un VOG. Bo ta attach bo paspoort of otro ID valido. Si bo tin un papel di 5 florin di Censo, aunke e ta caduca, bo por attach esey tambe. Sinembargo, e no ta obligatorio! No ta necesario pa bo bay pidi un papel di 5 florin especialmente pa esaki. Despues cu Ministerio Publico haya bo e-mail, lo manda bo un e-mail cu e fecha riba cual bo por bin busca bo VOG. E gastonan ta 40 florin. E decision ta tuma dos siman, pues no warda mas pa aplica.

  • Corte a repasa 150 di su historia den relato anual 2019

    Corte a repasa 150 di su historia den relato anual 2019

    ORANJESTAD - Corte Comun di Husticia di Aruba, Corsou, Sint Maarten y di Boneiro, Sint Eustatius y Saba a presenta su relato anual di aña 2019 na publico. Den 2019 Corte a para keto di forma festivo na su 150 añanan di existencia, como un di e institucionnan mas bieu di Reino. Ta pa e motibo aki mes e relato anual a haya un tema cu ta pas cu e ocasion: 150 Aña Corte. Mescos cu añanan anterior, a traha e relato anual digital di forma interactivo, cu entrevista, sentencia y videonan cortico cu ta contene informacion adicional.

  • Angela: Casonan di stranheronan ilegal a doble casonan di LAR 2019

    Angela: Casonan di stranheronan ilegal a doble casonan di LAR 2019

    Den 2019 a drenta 39.189 caso den Corte di prome instancia, un subida leve di 5% compara cu 2018. E subida mas halto ta den area di derecho administrativo (‘bestuursrecht’), caminda tabata tin en total 2.301 caso, un subida di 24% compara cu e an?a prome. E casonan di LAR, ‘Landsverordening Administratieve Rechtspraak’, a bira dobel y tabata tin un subida pa loke ta trata casonan di stranhero debi na e situacion economico y politico na Venezuela.

  • Corte: Clarisca Velasquez a perde caso y ta keda suspendi

    Corte: Clarisca Velasquez a perde caso y ta keda suspendi

    ORANJESTAD – Clarisca Velasquez, polis di profesion a perde su caso den corte di Lar diaranson, cu ta nifica cu e ta keda suspendi por lo pronto. Huez a rechasa e peticion di su abogado Desiree Croes pa suspende e suspension. “Nos a keda hopi desapunta y mas ainda straña cu huez ta uza e echo cu Clarisca a haci denuncia como factor pa tene geschorst. Clarisca ta kere cu na final husticia lo vence y ta pura pa reanuda trabou”  su abogado Desiree Croes a bisa noticiacla.com diahuebs. 

  • Powered by SETAR