Minister no ta confirma ni desmenti nomber di PG nobo pa Aruba

ORANJESTAD – Minister di husticia di Aruba Andin Bikker no kier a ni confirma ni desmenti pa noticiacla.com dialuna mainta durante conferencia di prensa, cu actual fical mayor di islanan BES esta Bote ter Steege, ta bira e proximo Procurador General di Aruba. Riba e pregunta di e portal aki, e mandatario a bisa cu e ta ni ‘confirm ni deny’. Esey kier men cu e informacion ta corecto, pero cu debi cu e proceso no ta cla, e no kier confirma. E intencion ta pa e PG nobo cuminsa traha dia 1 di September 2020. E nomber a cay prome biaha algun siman pasa durante un presentacion di minister di husticia di Hulanda Grapperhaus, cu a ‘los’ e nomber ey. Via canalnan informal, e portal aki por a confirma e nomber di e PG nobo. 

KEN E TA

Bote ter Steege dia 1 di juni 2018 a cuminsa su labor como fiscal mayor di Ministerio Publico di islanan BES. NOTA: potret ta cortesia Extra Curacao.