Cambio di aña relativamente trankil pa departamento di emergencia SEHOS

WILLEMSTAD - Cambio di aña a bay relativamente trankil pa departamento di emergencia di St. Elisabeth Hospital SEHOS. E tabata relativamente trankil pa loke ta accidentenan causa pa vuurwerk y di otro indole. Manera ta tradicion, ta hasi un registro di e tipo di accidentenan aki for di dia 27 di december 2014 te dia 2 di januari 2015 pa 6or di mainta.

VUURWERK

En total departamento di emergencia di SEHOS a duna tratamento na 10 persona herida pa vuurwerk. Di e 10 personanan aki, 3 a keda interna pa mas tratamento. 1 di e personanan aki a haña herida na wowo, 1 na frenta y cara, mientras cu 8 a haña herida na man.

ACCIDENTENAN  

Pa loke ta trata accidentenan di otro indole, departamento di emergencia di SEHOS a atende un total di 15 caso, di cua 4 persona a keda interna pa mas tratamento. 1 persona a yega sala di emergencia cu hinca, 3 debi na maltrato fisico y 11 persona cu a ricibi herida den un accidente di trafico.

COMPARACION 

Mester constata cu e cantidad di accidentenan cu departamento di emergencia di SEHOS a atende entre 27 di december 2014 y 1 di januari 2015 ta muchu menos compara cu cambio di aña 2013 - 2014. Den e temporada aki a atende un total di 26 caso.