WILLEMSTAD – Gobierno Mericano pa medio di su consulado na Corsou, a emiti un alerta di seguridad pa ciudadanonan Mericano riba e isla, pa cu e situacion actual despues di e reciente disturbionan. Mientras cu gobierno di Corsou a elimina e toque de queda diabierna, gobierno Merca si no ta tuma chens. E alerta ta pidi ciudadanonan y staf di e consultado pa keda cas despues di 7or, no obstante e hecho cu gobierno di Corsou emiti un toque de queda of no.
E SITUACION
E alerta ta describi e situacion actual. “E situacion di seguridad na Corsou ta continua di ta inpredecible ora nochi cera”, e alerta ta cuminsa bisa. “Demonstracionan no anuncia a sosode ultimo dos anochi cu a inclui kimamento y destruccion di propiedad y blokiamento di trafico y brug. Personal di gobierno Mericano y ciudadanonan Mericano ta wordo fuertemente conseha pa implementa ‘shelter in place’ prome cu 7’or di anochi, no obstante e hecho cu gobierno di Corsou emiti un toque de queda of no”, e alerta ta sigui bisa. “E conseho aki ta valido entrante diabierna 26 di juni te cu diadomingo anochi 28 di juni 2020. Ta pidi pa evita aglomeracion di hende, demonstracion, monitor media, tene cuenta di bo ambiente, no ta mucho publico, y revista bo plan personal di seguridad.
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.