Gobierno ta bay prohibi humamento den compania di menor di edad

ORANJESTAD – Gobierno di Aruba ta preparando un ley cu ta e.o. prohibi humamento den areanan publico. Segun minister di salud Dangui ODuber, awe (diabierna), conseho di minister a aproba e concepto di Ley di tabaksproducten. “Den pasado Marlon Sneek di AVP a entrega e ley aki pero e no tawata completo. Nos a trek in e ley cu Sneek a entrega, a haci cambio y presenta un ley nobo” Odubre a bisa. E ley aki lo bai Raad v Advies y despues wordo trata den parlamento.

KICO E LEY TA ENCERA

E ley aki lo entre otro, prohibi humamento den areanan publico, aumenta e edad pa por cumpra sigaria di 18 pa 21 aña. Esaki den cuadro di prevencion den salud. Y tambe si un mayor ta huma den compania di un menor di edad e ta corre risico di haya un multa.