KLM no a cancela buelo pa Aruba sino a ahusta esaki mas bien

ORANJESTAD – Contrario na informacion cu lo ta circulando riba rednan social, KLM no a cancela buelonan pa Aruba. Segun e director responsabel pa KLM na Aruba, Danilo de Freitas a clarifica pa noticiacla.com diahuebs mainta cu ta mas bien cu KLM ta haciendo ahusto na su schedule. Y cu muy posiblemente esey tin di haber cu e hecho cu Bonaire lo cera frontera cu Aruba y St Maarten, ora cu e dos islanan aki habri frontera pa Merca. Y mirando cu tin buelo cu ta contecta Hulanda cu Aruba via Bonaire, esaki por bira un problema. 

AHUSTE

Segun De Freitas, normalmente KLM ta bula Amsterdam – Aruba – Bonaire – Amsterdam, pero a cambia esaki pa e refleha Amsterdam – Bonaire – Aruba – Amsterdam. A compronde cu 5 buelo lo bay via Bonaire (Amsterdam-Bonaire-Aruba -Amsterdam)  y 2 buelo lo ta via St Maarten (Amsterdam-St Maarten-Aruba-Amsterdam).  . E decisionan final no ta tuma ainda y ta spera cu den curso di diahuebs atardi pa diabierna mainta tin mas claridad.