Koopmans: Serlimar no ta sobrevivi sin ayudo di gobierno

Koopmans: Serlimar no ta sobrevivi sin ayudo di gobierno

Posted on 06/25/2020 12:32 pm AST | Updated on 06/25/2020 12:33 pm AST

ORANJESTAD – “Serlimar no ta survive sin e parti di gobierno cu nan mester hinca aden aworaki”. Esaki ta palabra serio di e director di e compania, Anko Koopmans riba e situacion financiero serio cu e compania ta aden aworaki. Koopmans ta referi na e presion cu tin relaciona cu e fecha di 26 di augustus 2020, cu ta e fecha riba cual huez lo dicidi e futuro di e compania. Riba e fecha ey, Serlimar mester bay corte pa wak si e ta keda bibo of no segun e director. “E ta crucial aworaki, e momentonan cu nos ta bezig ta pasando den dje”. “Gobierno no por hunga un wega politico di esaki” Koopmans a bisa. 

BANCAROTA 

Segun e director, si cos sigui asina, esta cu gobierno no cumpli cu palabracionan haci di transferi placa, e ta kere cu e huez lo bisa ‘van het gaat zo niet door’, y e lo declara e compania bancarota hopi lihe. “No tin tempo mas pa hunga wega. Nos mester bay dilanti. Nos mester tin hende serio cu kier soluciona e cos aki, incluso e trahadonan di Serlimar” e director a sigui bisa. Entre e trahadonan tambe tin bringamento, cu ta haci cos cu nan no mester haci. Nos tur mester haci nos parti pa nos bay dilanti” Koopmans a finalisa bisando. 

PROBLEMA CU COMUNICACION

Segun director di Serlimar Anko Koopmans, tin un problema di comunicacion cu ta stroba cierto parti di e operacion. Entre nan e parti financiero unda cu segun Koopmans ta splica noticiacla.com, ta purba comunica varios biaha pa dia cu Directie Financien cu ta e instancia di gobierno cu tin cu procesa y haci e pagonan respectivo. “Y bo no ta haya contesta di nan”. Y segun Koopmans, si tabatin bon comunicacion, por a preveni mayoria di e problemanan cu ta surgi. “In the end, mi ta kere cu hopi hende aworaki porta ta wak tambe cu e ta serio” Koopmans a bisa, refiriendo na e problemanan financiero di e compania

  • CMB: Sea consciente di email maligno:

    CMB: Sea consciente di email maligno:
  • BCA: Resistencia di sector financiero na Aruba a keda firme, no obstante COVID-19

    BCA: Resistencia di sector financiero na Aruba a keda firme, no obstante COVID-19

    ORANJESTAD - Awe Banco Central di Aruba (BCA) ta publica su FINANCIAL SECTOR SUPERVISION REPORT 2019. BCA ta e unico autoridad supervisorio di e sector financiero na Aruba. E “Financial Sector Supervision Report” ta un rapport prepara segun ley, y presenta na Minister di Finansas prome cu 1 di juli tur an?a. Den e rapport aki BCA ta duna un bista di su actividadnan principal cu el a ehecuta y decisionnan mas importante cu el a tuma riba e tereno di maneho durante di e an?a concerni den e implementacion di e ordenansanan di supervision, incluyendo e leynan pa preveni y combati labamento di placa y financiamento di terorismo. E rapport aki ta describi tambe e accionnan principal tuma door di BCA pa sigui reforsa e marco legislativo y regulatorio. Banda di un resumen di e ultimo desaroyonan riba e tereno internacional di supervision, ta discuti e desaroyonan principal den e sector financiero domestico.

  • Aruba a habri su man pa ricibi su bishitantenan internacional bek awe

    Aruba a habri su man pa ricibi su bishitantenan internacional bek awe

    ORANJESTAD – Mientras cu awe frontera di Aruba ta habri pa paisnan di Europa, Canada y Caribe (excepto Haiti y Republica Dominicana), ta te diasabra e prome avion comercial ta yega, manera cu noticiacla.com a raporta ayera. Esey no a kita afo cu Aruba ta ‘celebrando’ e momento aki menos. Cu hopi aviso, video y mensahe, for di gobierno te na stakeholdernan, por a nota un ola di mensahe positivo dirigi na e momento importante aki.  For di e pagina di Facebook di aeropuerto di Aruba, e portal aki a tuma un video promocional pa e mercado Europeo, unda cu na e idioma Hulandes, ta yama e turista biahero bon bini. 

  • Diasabra numa prome buelo comercial Europeo ta yega Aruba

    Diasabra numa prome buelo comercial Europeo ta yega Aruba

    ORANJESTAD – Aunke Aruba su frontera cu Canada, Europa y Caribe (cu excepcion di dos isla) ta habri diaranson awor, e prome buelo comercial internacional lo no yega Aruba sino te diasabra awor. E lo ta un buelo comercial di KLM cu lo yega Aruba dia 5 di juli 2020. Pues di diaranson pa diasabra, no tin ningun buelo comercial, fuera di buelonan entre islanan ABC. 

  • Grupo di ciudadano a manifesta nan malcontento riba FASE

    Grupo di ciudadano a manifesta nan malcontento riba FASE

    ORANJESTAD – Un grupo di ciudadano a manifesta nan malcontento riba FASE dialuna mainta. Nan malcontento ta pa e hecho cu nan no a logra ricibi ainda yudansa den forma di FASE. Ministernan President, Asunto Social y esun di Finanza a scucha e manifestantenan nan preocupacion y a ricibi nan carta cu nan puntonan cu ta pidi atencion pa nan. “Gobierno ta trahando duro pa asina por brinda e alivio necesario y lo atende tambe cu e preocupacionnan treci dilanti y lo busca pa sa kiko ta locual ta pone cu e grupo no a logra haya FASE”, minister Xiomara Maduro a bisa e manifestantenan awe mainta. 

  • Diasabra awor por busca plach’i number den forma di Drive-Thru

    Diasabra awor por busca plach’i number   den forma di Drive-Thru

    ORANJESTAD – Departamento di Impuesto (DIMP) ta participa cu e otorgamento di plach’i number 2020 na publico en general ta sigui diasabra awor, dia 27 di juni 2020, den forma di Drive-Thru. Pues publico lo no baha for di nan auto. Tur cliente cu tin e number A-14501 te cu A-20000 ta keda invita pa pasa libremente y busca e plachinan di number. 

  • Powered by SETAR