Maduro: A paga placa debidamente na Serlimar for di diaranson

Maduro: A paga placa debidamente na Serlimar for di diaranson

Posted on 06/25/2020 10:11 am AST | Updated on 06/25/2020 10:12 am AST

ORANJESTAD – Minister di finanza Xiomara Maduro ta sigura cu gobierno a cumpli cu pago pa Serlimar for di diaranson merdia. Cu esaki e ta confirma loke tanto trahadonan di e compania a bisa awe marduga ora cu nan a bay den accion, y tambe e informacion di e director na noticiacla.com awe mainta. “E pago aki a bay ayera 24 juni 2020 y a wordo procesa 12:30 pm pa Banco Central y mester ta di ayera caba riba cuenta bancario di Serlimar. Pues e Minister di Finansa aki a cumpli cabalmente cu Serlimar” Maduro ta bisa den un declaracion awe mainta. 

A CUMPLI

E mandatario ta sigui bisa cu e la cumpli cabalmente cu Serlimar desde e promer dia. “ Esey por lese fo'i e rapport tambe cu a traha di Serlimar, cu bou e Gobierno aki Serlimar tur luna a haya su pagonan” e mandatario a bisa. Segun Maduro, pa locual ta trata pago di aña 2020, nan ta hasta 3 luna adelanta, ya cu na comienso di aña ora ainda no tabata tin presupuesto, Gobierno a paga un suma nas halto pa luna cu locual mester ta e suma normal pa luna. “ Pa e luna aki a acorda cu Serlimar y cu e bewindvoerder Rep cu Gobierno lo manda 1.3 miyon extra riba e 1.7 miyon” Maduro a sigui bisa.

SUMA APROBA

Pa locual ta e 6 miyon cu Parlamento a aproba, Maduro ta bisa cu e placa aki mester a sali fo'i presupuesto di Minister di Infrastructura. Pero e no tin e placa aloca pa esaki. Pues awor ta den Cambio di Presupuesto 2020, e 6 miyon aki tin cu wordo aloca y Parlamento mester bay di acuerdo pa e suma aki por wordo fia extra.

  • CMB: Sea consciente di email maligno:

    CMB: Sea consciente di email maligno:
  • BCA: Resistencia di sector financiero na Aruba a keda firme, no obstante COVID-19

    BCA: Resistencia di sector financiero na Aruba a keda firme, no obstante COVID-19

    ORANJESTAD - Awe Banco Central di Aruba (BCA) ta publica su FINANCIAL SECTOR SUPERVISION REPORT 2019. BCA ta e unico autoridad supervisorio di e sector financiero na Aruba. E “Financial Sector Supervision Report” ta un rapport prepara segun ley, y presenta na Minister di Finansas prome cu 1 di juli tur an?a. Den e rapport aki BCA ta duna un bista di su actividadnan principal cu el a ehecuta y decisionnan mas importante cu el a tuma riba e tereno di maneho durante di e an?a concerni den e implementacion di e ordenansanan di supervision, incluyendo e leynan pa preveni y combati labamento di placa y financiamento di terorismo. E rapport aki ta describi tambe e accionnan principal tuma door di BCA pa sigui reforsa e marco legislativo y regulatorio. Banda di un resumen di e ultimo desaroyonan riba e tereno internacional di supervision, ta discuti e desaroyonan principal den e sector financiero domestico.

  • Aruba a habri su man pa ricibi su bishitantenan internacional bek awe

    Aruba a habri su man pa ricibi su bishitantenan internacional bek awe

    ORANJESTAD – Mientras cu awe frontera di Aruba ta habri pa paisnan di Europa, Canada y Caribe (excepto Haiti y Republica Dominicana), ta te diasabra e prome avion comercial ta yega, manera cu noticiacla.com a raporta ayera. Esey no a kita afo cu Aruba ta ‘celebrando’ e momento aki menos. Cu hopi aviso, video y mensahe, for di gobierno te na stakeholdernan, por a nota un ola di mensahe positivo dirigi na e momento importante aki.  For di e pagina di Facebook di aeropuerto di Aruba, e portal aki a tuma un video promocional pa e mercado Europeo, unda cu na e idioma Hulandes, ta yama e turista biahero bon bini. 

  • Diasabra numa prome buelo comercial Europeo ta yega Aruba

    Diasabra numa prome buelo comercial Europeo ta yega Aruba

    ORANJESTAD – Aunke Aruba su frontera cu Canada, Europa y Caribe (cu excepcion di dos isla) ta habri diaranson awor, e prome buelo comercial internacional lo no yega Aruba sino te diasabra awor. E lo ta un buelo comercial di KLM cu lo yega Aruba dia 5 di juli 2020. Pues di diaranson pa diasabra, no tin ningun buelo comercial, fuera di buelonan entre islanan ABC. 

  • Grupo di ciudadano a manifesta nan malcontento riba FASE

    Grupo di ciudadano a manifesta nan malcontento riba FASE

    ORANJESTAD – Un grupo di ciudadano a manifesta nan malcontento riba FASE dialuna mainta. Nan malcontento ta pa e hecho cu nan no a logra ricibi ainda yudansa den forma di FASE. Ministernan President, Asunto Social y esun di Finanza a scucha e manifestantenan nan preocupacion y a ricibi nan carta cu nan puntonan cu ta pidi atencion pa nan. “Gobierno ta trahando duro pa asina por brinda e alivio necesario y lo atende tambe cu e preocupacionnan treci dilanti y lo busca pa sa kiko ta locual ta pone cu e grupo no a logra haya FASE”, minister Xiomara Maduro a bisa e manifestantenan awe mainta. 

  • Diasabra awor por busca plach’i number den forma di Drive-Thru

    Diasabra awor por busca plach’i number   den forma di Drive-Thru

    ORANJESTAD – Departamento di Impuesto (DIMP) ta participa cu e otorgamento di plach’i number 2020 na publico en general ta sigui diasabra awor, dia 27 di juni 2020, den forma di Drive-Thru. Pues publico lo no baha for di nan auto. Tur cliente cu tin e number A-14501 te cu A-20000 ta keda invita pa pasa libremente y busca e plachinan di number. 

  • Powered by SETAR