Placa a drenta y asina bewindvoerder aproba, lo paga vakantieuitkering

ORANJESTAD – Placa a drenta Serlimar y unabez haya permiso di e ‘bewindvoerder’, lo  paga trahadonan e vakantieuitkering. Asina director Anko Koopmans a sigura noticiacla.com. Manera ta conoci, trahadonan di Serlimar a bay den accion diahuebs marduga pa motibo cu nan no ta haya nan placa di vacantie uitkering. E trahadonan lo a manda un carta riba e tema pa minister Xiomara Maduro (Finanza), y kier un combersacion cu e mandatario. Segun e director  minister a informa e trahadonan cu e placa a keda deposita diaranson. Problema segun Koopmans ta, cu e no ta mira e cuenta bancario tur ora, pues no por a mira constant si placa a pasa of no. Pero enberdad diahuebs ora cu a bay wak e cuenta, a nota cu enberdad e placa ta riba cuenta di e compania. Unabez cu haya aprobacion di e ‘bewindvoerder’, Serlimar lo paga e placa na e trahadonan. “Y hopefully tur cos lo normalisa bek na Serlimar”, Koopmans a finalisa bisando. E ta referi na e impasse cu a sosode ora cu a paga e trahadonan e siman aki, pero a bin compronde cu e vakantie uitkering no a wordo paga.