Hefe di polis di Corsou a retira debi cu no a logra mantene orden publico

WILLEMSTAD – Hefe di polis Mauricio Sambo a entrega su retiro diaranson na minister di husticia Quincy Girigorie, cu na su turno a acepta esaki. Segun Girigorie, ta inaceptabel cu awe merdia manifestantenan por a kibra porta na forti,drenta paden y hasta causa destruccion na vehiculonan y edificionan den Forti. Cosnan no a cana bon na Fòrti relaciona cu seguridad. Como tal Girigorie ta considera cu e tabata un bon decision di Sambo, y pesey a acepta esaki tambe. Mesora a anuncia cu Sr. Raymond Ellis lo asumi e funcion komo Hefe Suplente di Cuerpo Policial di Corsou. Foto cortesia Notisia ING